Sib’alaj katajin katzukuxik ri ak’alab’ e sachinaq ri’


Eri Taqanelab’ ri Wokajil Ajchajil Tinamit xkiya’ loq ub’ixik che katajin katzukuxik ri e ak’alab’ ch eri e sachinaq ri’ ri xya’ loq kitzijol kumal kitat nan, kachalal ri’, rumal ri’ eri tzukunelab’ rech ri Departamento rech Niñez, xkiriq e jo’ob’ chi taq ak’alab’ ya’om kitzijol pa le Alerta Alba Kenneth pa jalajoj k’olib’emal rech ri amaq’.

K’o jun ali 16 ujunab’, kab’ixik xriqitaj pa le kitak’ab’al ch’ich’ rech e k’amol b’i winaq rech ri tinamit rech San Lucas Sacatepéquez, ri xuya’ loq ub’ixik che rumal man k’ot uchak xuriqo xchomaj xb’e pa México.
K’o jun ala 16 ujunab’ xriqitaj pa le Colonia Manuel de Jesús II, rech Retalhuleu, xub’ij k’ut che ri are ajtijol rech awan kunb’alil xuquje’ xuchomaj xb’e chi la’ rumal karaj taj kach’ab’exik rech kuq’al rib’.

Pa uterenb’exik k’i taq kiqajib’al xik’ich’ich’, eri reqa’lenel ajchajinem ri’ xkiriq pa le zona 4 rech ri tinamit rech Villa Nueva, jun ali 19 ujunab’ ri’, ri kab’ixik k’o utzijolil pa le Alerta Isabel Claudina, ri xub’ij che are xuchomaj xb’e ruk’ ri uk’ulaj ri’.

Pa tinamit ri’ xriqitaj wi jun alaj ala oxib’ ujunab’, ri kab’ixik are xk’am rumal utat man reta’m chi uwach ri unan ri’, rumal ri’ xk’am b’i pa le Procuraduría rech General rech ri Amaq’il ri’ rech kachomax ri’.

pa k’isb’al ri’ pa le Colonia Villa Lobos II zona 12 Villa Nueva, xriqitaj wi jun alaj julajuj ujunab’, kab’ixik k’aslik xuquje’ man k’ot retal tane’ ch’ayom, ri are xub’ij che xa’ xb’e che utzukuxik ri utat ri’.

Eri e ak’alab’ ri’ xuquje’ ri ri’j winaq e are kab’ixik xek’am b’i pa q’atb’al tzij rech kechomax ri’ xuquje’ rech kachupisax kitzijol pa le Alertas ri’.

Noticias Recientes