Sib’alaj katajin raq’anik rajilab’al rech Cocaína, Anfetaminas xuquje’ ri Marihuana xuquje’ uxaq Coca chupisam chik uwach

 

Eri b’anoj tzukunem kumal ri wokajil ajchajil tinamit xuquje’ ri b’anoj komonchak ruk’ ri Sub Dirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC) xuya’ loq utzijol ub’ixik che pa ronojel raqom chik k’o 16 mil 268 kilos rech Cocaína xraqataj pa 22 q’ij karaj na kak’is le junab’ ri’.

Eri Crack raqom chik k’o ri’ b’elejeb’ mil 300 gramos chik are wa’ ri awan kunb’alil ri’ che ri qas chom raqom chik pa taq le junab’ 2016, 2017, 2018 xuquje’ 2019, jeri’ xuya’ rajilab’al xya’ loq ub’ixik kumal ajchajil tinamit ri’.

Xuquje’ pa we junab’ ri’ eri raqom chik are ri’ 16 mil 877.46 pajb’alil ri’ man je’ ta ri’ ruk’ ri raqom kanoq pa le k’isb’al kajib’ junab’ ri’, xuquje’ eri raqom chik k’o ri’ 266 chi ch’ich’ k’olib’alil rech ri awan kunb’alil.

Emu wari’ ri tiko’nib’al rech Marihuana raqom chik pa junab’ ri’ pa ronojel k’o chik 3 millones 447 mil 979 raqan chupisam chik uwach xuquje’ are wa’ porom pa taq le juyub’ tikom wiri’.

Eri Sub Dirección antinarcótica xub’ij che pa we junab’ ri’ eri Korlim Tzukunem Ya’olchajinik che ri b’anom pa taq le tinamit pa we amaq’ k’o ri’ dos millones 343 mil 845 chi uche’al Uxaq Coca, are wa’ jun nim q’atenik uwach awan kunb’alil xb’an pa we amaq’ xuquje’ are wa’ jun nim q’atenik xb’an chi ke ri nik’aj nuk’molaj e ajpoq’sal awan kunb’alil ri’.