Sib’alaj katajin uq’atexik ri b’anoj k’ax chi ke ri ixoqib’ ri’

Are uq’atexik b’a’ ri b’anoj k’ax chi ke ri ixoqib’ ri’, are wa’ ri Wokajil Ajchajil Tinamit (PNC) katajin kakiterenb’ej uq’atexik ri b’anoj k’ax ri’ pa we amaq’ ri’.

Eri a Edwin Monroy, ajtzijolinel rech ri PNC, xuya’ utzijol che pa aninaqil ri’ eri ajchajil tinamit e k’o 39 chi wniaqil xekowin loq che kichapik ri’, rumal b’anoj k’ax chi ke ixoqib’ xuquje’ k’o ri’ 172 b’iw ub’ixik b’anoj k’ax ri’ pa awalik xya’taj loq ub’ixik ri’ are ri b’anoj k’ax chi ke pa taq kachoch ri winaq ri’, pa we junab’.

 “Eri pa aninaqil tajin kakib’an uq’atexik ri e ajchajil tinamit ri’ are wa’ xuya’ pa retal rech xb’antaj kowinem rech xechapataj loq nik’aj b’anol k’ax e ajkamisal ixoqib’ ri’, e k’o e waqib’ jalajoj kuwach xechap ri’, e oxib’ chi ke ri b’anoj k’ax ri’ eri kak’ulel xekamisan kech ri’” xcha’.

Eri a Monroy, xuquje’, xuya’ utzijol ub’ixik ri’ che k’o jalajoj q’atenik k’ax xb’antaj ri’, rech kuwa’lijsax uwach ri ub’ixik oq ri b’anoj k’ax ch’ayonem chi ke ri ixoqib’, rumal k’u ri’ k’o jun nimya’ltzijol katajin pa taq uwachwuj k’amq’aq’nil ri’ xuquje’ rumal ri’ katajin ujachik ri wujtzijolil ci rij ri’ pa taq jalajoj k’olib’em pa taq tinamit. Rumal ri’ kaya’ apon chi ke ri winaqil ri rajilab’al 110 xuquje’ 1561 ri’ rech chi upam kech’a’w wi loq ri winaqil ri’.

Alerta de Corrupción

Ultimas noticias