Are taqim k’ut b’anoj ri moloj ib’ kuk’ ri winaqilal rech are kab’an ri’ kakub’ kik’u’x kuk’ ri q’atb’al tzij ri’ rech kakib’ij loq ri b’anoj k’ax kakilo kakik’ulmaj ri’, rumal ri’ eri viceministro rech Q’atel B’anoj K’ax ri’ Ronald Portillo, xuya’ub’ixik ri’ che ri b’anonem rech k’utuj q’atenik k’ax ri’ are kab’an na pa we Amaq’ ri’.
Eri taqawokajnel ri’ xub’ij che xaq xuwi’ pa Iximulew ri’ tajin wi ub’anik ri juk’al uwach b’anoj nimaq’ij riqoj ib’ rech q’atenik b’anoj k’ax ri’.
“Ruk’ wa’ ub’anik ri riqoj ib’ kuk’ ri winaqilal ri’, are taqim ub’anik pa joremal jikomal ri’ xuquje’ rech kakub’ kik’u’x kakib’ij loq ri k’ax kakilo kab’anik, chaqana’tisaj che are wa’ jun nim utzilem ch ke ri ak’alab’ xuquje’ ri e q’apoj winaq ri’ rech pa uwokik jikom uwach jun utzalaj Iximulew ri’”, xcha’ ri Portillo.
Eri b’anonem ri’ are la’ rech kab’an tiko’n che’, rech kakoj uwa’lib’al ub’ixik tzijolil, rech kab’an kunanem xuquje’ etz’enik ri’ xuquje’rech kajach ub’ixik che rajwaxik kaya loq ub’ixik utzijol ri k’ax kab’an pa kachoch winaq ri’.