Eri Wokajil Ajchajil Tinamit (PNC) xuquje’ ri Ministerio Público ri’ ub’i’ (MP), xkib’an 61 chi tzukunem solinik ri’, rech xkisolij uwach juntir xuquje’ rech xkik’am b’i ri jastaq rch q’alajisab’al rech ri k’ax b’anom pa nimatinamit Iximulew, pa Chimaltenango, pa Sacatepéquez ri’, pa Escuintla ri’, pa Suchitepéque ri’, pa Izabal xuquje’ pa Chiquimula ri’.
Eri b’anoj tzukunem ri’ are la’ tajin rumal ri Wokaj Ajchajinelab’ rech Tzukno’jchak ri’ ub’i’ (DEIC), rumal ri Q’atb’al tzij rech Q’atenik Toq’inik Pwaq xuquje’ ri Q’atb’al tzij rech ri rulewal nimatinamit Iximulew ri’.
Eri ub’ixikil xya’taj kumal e ajchajil tinamit are xkib’ij ucholajil ri’, che ri puqchajinem tzukunik ri’ are la’ xb’antaj ri’ rech ya’el uchuq’ab’ ri q’atenik toq’inik pwaq ri’. Jeri’ rech kechap loq nik’aj winaq e ajtoq’il pwaq ri’.
Rumal ri’ xnab’ejsax ub’ixik ri’, chi e k’o chik 30 chi uwinaqil b’anoj k’ax ri’ e rajtaqo’ninel ri Mara Salvatrucha xuquje’ ri pandilla rech ri Barrio 18. Eri q’atenik ri’ are la’ tajin kumal e ajchajil tinamit, are la’ kaya’ na utzijol ri’.