Rech taqim ya’el utzijoxik chi k’o nim upatanib’al kakitzuj loq ri winaqil ri b’anoj k’ax kakilo kab’anik, eri tzijonik ri’ are la’ ketajin che ub’anik rajchak ri Subdirección General rech Q’atel k’ax ri’, rech ri Wokajil Ajchajil Tinamit (PNC) xek’oji pa jun programa radial xq’axexik pa le q’axeb’al tzij ub’i’ Radio Chuimekena, ri k’o pa Chuwi’meq’ina’ ri’. Pa le q’axeb’al tzij ri’ xtzijox wiri’ ri b’anoj q’atenik ri k’ax kab’an chi ke ri ixoqib’ ri’.
Eri kupatanij kech’aw ri e ajchajil tinamit pa le q’axeb’al tzij ri’ are rech kaq’ax ub’ixik chi ke ri winaq tob’anelab’ ri tzijolil rech utz kakojik rech uq’atexik b’anoj k’ax chi ke ixoqib’ ri’. Eri b’anonem ri’ are la’ uwach ri cholchak ub’i’ “Delitos contra la vida” ri’.
Pa jun chik rulewal tinamit, eri reqa’lenel ri Delegación Departamental rech Intervención rech Relaciones Comunitarias rech ri Comisaría 74 k’o pa Jocotenango, Sacatepéquez ri’, xkiwa’katej ub’anik ri ya’olchajinem winaqil xuquje’ rech kab’an wi ri ya’ltzijolil rech pixab’nik chi rij ri q’atenik k’ax ri’. Eri xkikoj che ub’anik wari’, are ri ilom chakub’al, ri k’o pa ub’e’alil rulewal tinamit ri’.
Eri tzijol ri’ are xya ub’ixik rech uq’atexik ri b’anoj k’ax chi kuwach ri e k’ulaj winaq ri’, rech uq’atexik uwach kiq’axexik winaq ri’, xuquje’ chi rij uq’atexik uwach xaq tane’ kak’ayix tzam ri’.