Sib’alaj tajin utzukuxik itzel jastaq kunb’al pa japache’ ri’

Eri K’amoj ub’e ri Taqawokajil Japache’ Tz’apib’al ri’ ub’i’ (DGSP), pa komonchak kuk’ ri Wokajil Ajchajil Tinamit ub’i’ (PNC) ri’, kib’anom chik 226 chi b’anoj tzukunik pa taq rachoch k’olib’al japache’ tz’apib’al rech pa we Amaq’ ri’ pa we junab’ ri’. Are wa’ xb’antajik rech xtaqix uq’atexik ri itzel jastaq rech kakoj ta pa japache’ tz’apib’al ri’, rech kakub’isaj ri ya’olchajinem pa rachoch japache’ ri’ xuquje’ rech uq’atexik ri toq’inik pwaq ri’.

Eri q’atb’al tzij xkib’ij che ri sib’alaj xb’an usolixik uwach ri’ kumal ri wokajil ajchajil tinamit pa taq ri jalajoj upam ri japache’ tz’apib’al ri’, rumal ri’ xb’antaj kowonem xriqitajik 1817 chi ch’aweb’al rech eqam, 543 chi b’ilob’al ub’aq’ k’aqb’al, ruk’ kajib’ granadas ri’, ruk’ nik’aj chik itzel jastaq ri’.

Eri chak pa taqawokajilal ri’ are la’ xb’antaj kuaml ri Grupo Élite rech ri Sistema Penitenciario ri’ ub’i’ (SP), kumal e ajchajinel rech japache’, kumal ri Unidades rech binomios K-9 ri’, kumal ri División Especializada rech Investigación Criminal (DEIC) ri’, kumal ri Wokaj Ajchajinel Ajq’atenel Pandillas ri’ ub’i’ (Dipanda), kumal ri División rech Investigación xuquje’ Desactivación rech K’aqb’alil Poq’sab’al ri’ ub’i’ (DIDAE) ri’.

Eri tzukunem ri’ are la’ xb’antajik rech xunimax uwach ri ub’e’al ri ya’olchajinem xtaq ub’anik rumal ri K’amal b’e Amaq’ Alejandro Giammattei ri’ xuquje’ rumal ri Ministro de Gobernación, David Napoleón Barrientos ri’, rech uq’atexik uwach ri itzel jastaq kakoj che b’anoj ka’x chi ke winaqilal pa qatinamit aj iximulew ri’.

Noticias Recientes