Sib’alaj tajin ujachik katz’iyaqb’alil ri reqa’lenel ajchajil tinamit ri’, are la’ terenb’em ub’anik ri’, rumal are la’ xtaq ub’anik ri Nimpatanel rech ri Ya’olchajinem pa Amaq’, k’o pa reqele’n ri Ministro David Napoleón Barrientos ri’.
Pa qajib’al q’ij ri’, xjach ri nab’e puq uwach ri katz’iyaqb’alil ri rajchak ri Comisaría rech Escuintla ri’.
Rumal ri’ eri rajchak reqa’lenel ri Subdirección General rech Apoyo xuquje’ Logística ri’, xkik’am b’i ri atz’iyaqb’alil chi ke ri e’ajchajinelab’ rech ri Comisaría ri’, rumal ri’ eri q’atb’al tzij xkiya’ loq utzijol che pa ronojel xkik’am chi la’ 2 mil 700 chi atz’iyaqb’alil ri’, ri xjach keb’ uwach taq chi ke ri e’ajchajil tinamit chi’.
Ruk’ wari’ tajin kunimaj uwach ub’anik wari’ rumal ri Barrientos Girón ri’, rech are la’ kuya’ uchuq’ab’il uloq’oq’exik kipatan ri reqa’lenelab’ ri Wokajil Ajchajil Tinamit ri’.