Are wa’ uwach ri uchak tajin kupatanij ri Tercer Viceministerio ri’, pa le ukojik ri Oficina Municipal rech Q’atel k’ax pa Villa Nueva ri’, are la’ katajin upatanaxik rech yab’al uchuq’ab’ ub’anik ri Diplomado “rech Q’atel b’anoj k’ax ri’” xuquje’ ri K’uttijonem ri’ “Uwach taq K’uttijonem, Tatab’enik xuquje’ Chajinem Winaqilal ri’”, are la’ rech kek’uttijox ri e ajchak eqa’lenelab’ chi rij ri patanem ri’.
“Eri Oficina rech Q’atel k’ax katajin che upatanaxik juntir uwach ri ucholchak ri’, ri cholq’axchak xuquje’ ri chomab’al rech q’atenik k’ax rumal ri’ eri Tercer Viceministerio ri’, sib’alaj katajin kub’an k’uttijonem ri’” xcha’ ri Leslie Torres, Taqanel rech ri jachakub’al ri’.
Eri jun chi ke ri upatan ri Oficina rech Prevención ri’, are kuchap usaqab’isaxik ri k’olib’alil jamal pa tinamit ri’, pa le usaqab’isaxik uwach rulewal pa tinamit ri’, chi’ k’u ri’ are la’ qas katajin upatanaxik ri q’atenik ri b’anoj taq k’ax ri’ xuquje’ pa le keqele’nik ri e ajk’amol kib’e winaqilala pa tinamit ri’ rech e are kakib’ij rech kawok uwach ri b’anoj taq chakunem ri’, xcha’ ri Torres.
Katajin k’ut utz ukunaxik ri uwo’ taq xan pa tinamit kumal ri eqa’lenelab’ ri’, e are k’ut kakicha’o jachike uwo xan kakikunaj ri’ rech kak’extaj rilik chi rij apanoq, rech kachupisaxik ri achib’alil che ri man utz ri kakik’ut chi ke winaq pa tinamit ri’. Pa we q’ij kamik are la’ katajin uchapik rech xsaqab’isax ri k’olib’em jamal uwach pa le Colonia Primavera, pa le Centro de Salud rech San José, pa le Gradas pa La Esperanza ri’ xuquje’ pa wajxaqib’ k’olib’al chik ri’.