Pa le uq’ijol ri b’anoj Unimaq’ij pa Uwachulew ri Uq’atexik Kekanaj tane’ e Yowab’ rumal kaya kakeqaj ak’al tane’ ri alitomab’, ri xb’an pa le 27 rech septiembre ri’ jun nimaq’ij riqoj ib’ rech uq’atexik wari’ pa le Polideportivo Parque Erick Barrondo, zona 7 rech uk’u’x nimatinamit ri’.
Rumal ri’ eri tercer viceministro rech Gobernación, Ronald Portillo xub’ij “eri Nimab’anoj Chomanem pa Wokajilal ri’ are la’ xb’an ri’ rech xb’an utob’ik rech utz ub’anik pa juntir ri’ chi ke ri alalitomab’ e q’apoj na ri’, pa le b’anoj uq’atexik kekanaj ta e yowab’ kaya ta ak’al na chi kij ri’”.
“Pa taq le k’olib’al kojom kumal taq ri wokajilal ri’, chi la’ k’ut kaya wi utzijol chi ke ri e alitomab’ e q’apoj ri’ rech qas kakik’am ucholaj uch’ob’ik pa kik’aslemal ri’, rech kaq’atexik kekanaj ta e yowab’ rumal kaya ne’ ak’al chi kij tane’ ri’ xuquje’ eri cholchak patan ri’ rumal ri wokom taqawokaj iximulew ri’ are rech k’o b’a’ jun jikom uwach kak’iyik ri’ xuquje’ rech kakik’am jun jikom uwach katijoxik ri’”, xcha’ ri nimapatanel ri’.
Pa le b’anoj pixab’nik chi ke ri alitomab’ e q’apoj ri’ rumal ri Asociación Cultural Qawinaqel ri’, ri loq’ ajb’ixonel Elder Pérez rech ri Komon Ktatab’enem Q’apojil, ri GenerAcción ri’, rumal ri puq rech Juk’ulaj e ajxajoj Santa Rosita xuquje’ rumal ri ajb’ixonel Yasser Amado rech ri Asociación Urbana Eslabones rech ri Joremal Ch’uch’ulem rech Palín, Escuintla ri’, xkib’an k’ut jalajoj uwach taq je’l b’anonem chi’.
Xuquje’ eri qapojil rech ri puq je’l k’utunel rech Servidores Cívicos rech ri Unidad rech ri Prevención Comunitaria rech ri K’ax ri’ (UPCV) ri’ xuquje’ rech rumal ri Ministerio rech Desarrollo Social (Mides), xkik’ut ri b’anonem ri’ ub’i’ Yo cuido mi futuro ri’ rech taqim kepixb’axik ri alab’om alitom ri’ pa le maj uya’ik ne’ ak’al chi kij ri e alitomab’ e ch’uti’n na ri’.
Are chi’ xk’is ri b’anonem ri’, eri alab’om alitom xkik’ut jun loq b’anoj ri’ rech k’o jun retal na’tib’al xkiya chi ke ri q’atb’al tzij rech ri Mesa Técnica Interinstitucional ri uwokom uwach ri Plan Nacional rech ri Prevención rech Embarazos kumal Alab’om Alitom e ch’uti’n na ub’i’ (PLANEA 2018-2022) ri’.