Tajin uya’ik ri wujilal antecedentes policiales pa uwachwuj kematz’ib’ q’aq’nil ri’

Pa taq ri nab’e q’ij rech pa le nab’e ik’ rech pa junab’ ri’, eri winaqilal e aj iximulew ketajin chik che resaxik ri kiwujilal ub’i’ antecedentes policiales pa le uwachwuj ub’i’ sitio web https:// policiales.pnc.gob.gt xuquje’ pa le 33 uchakuja ri Wokajil Ajchajil Tinamit (PNC), pa qatinamit. Eri wujilal ri’ are la’ qas tajin kakita rilik uwach kumal ri wokajil chak patanem pa tinamit xuquje’ rech are kakita are chi’ kakinuk’ uwach k’ak’ kiwujil ri kajchak ri’.

Are chinaq kuta resaxik ri uwujilal ri’, eri winaq rajwaxik kakitz’ib’aj kib’i’ kitzijol pa le uwachwuj le’, rech kakib’an jun usuario, rajwaxik kakitz’ib’aj ri rajilab’al ri wujil rech tojb’al pa pwaqb’al ja, te k’u ri’ kakisolij pa le correo electrónico ri ya’om chi ke rech kakitz’aj resaxik kiwujilal antecedentes ri’ te k’u ri’ kakilo we utz ri Código QR kel loq xuquje’ are la’ kilik pa le sitio web’ kojom rumal ri PNC.

Eri winaq che ke’opan pa le nimrachoch ub’i’ sede central ri’ xuquje’ pa le comisarías ri’ ch la’ k’ut ya’tal wi rech kaya wi ka’esax wi ri wujilal ri’ kumal ri winaq, rajwaxik kakik’ut kiwujilal ub’i’ (DPI), xuquje’ ri boleta rech tojb’al ri Q30 ri’, che xtoj pa le pwaqb’al ja che ri e kojom.

Ri tzijol kakoj pa le uta’ik ri wujil ri’

Eri tzijolil ya’om k’utum chik uwach rumal ri Sección rech Antecedentes Policiales rech ri  Subdirección General rech Apoyo xuquje’ Logística (SGAL), k’o jun (1 millón 642 mil 763)  wujilal ri’ kesam chik ri winaqil.

Pa le 2021 ri’, are xya’ik 1 millón 156 mil 697 chi wujil boletas xkesaj ri winaqil pa le uwachwuj kematz’ib’ q’aq’nil ri’ xuquje’ pa le sedes policiale k’o 476 mil 115, pa ronojel k’o  1 millón 632 mil 812 chi wujilal rech maj antecedentes policiales ri’.

Noticias Recientes