Aretaq xok jun ub’ixik loq pa le Ministerio Público, eri rajchak ri Wokajil e Ajq’atil Pandillas (DIPANDA) rech ri Wokajil Ajchajil Tinamit, xmajtaj jun tzukno’jchak chi rij jun toq’inik pwaq ri’, are chi’ rumal ri’ we kamik k’o k’i tzukunem xb’anik, rech xchapataj loq jun ixoq kab’ixik are k’o jun ch’a’winik xub’an panoq rech xutoq’ij panoq pwaq chech ri jun winaq ri’.

Eri winaq xutoq’ij ri pwaq chech xub’ij loq che pa le ik’ febrero xok nik’aj sik’inik pa ch’a’wib’alil are chi’ jun achi qas xch’a’w loq rech xutoq’ij loq chuwe Q. 15,000.00 ri’, we kinya’ ri’ man kinukamisaja taj kuk’ ri wachalal xub’ij loq.

Rumal ri’ eri winaq xtoq’ixik k’o pa keb’ mul xukoj Q. 200.00 xuquje’ 300.00 pa le pwaqb’al ja ri’ pa ub’i’ jun achi xuquje’ jun chik pa ub’i’ ixqob’, rumal ri’, xmataj ri kitzukuxik ri’, rumal ri’ xeq’alajinik che are ri’ jun ajb’anol k’ax ub’i’ Wendu Yohana Franco Barrera, pa le Aldea el Carmen Santa Catarina Pinula.

Che ri jun winaq ri’ xraqatajik: jun wujil rech kolib’al pwaq pa pwaqb’al ja pa ub’i’ ri jun ixoq ri’ xuquje’ ruk’ jun ch’a’wib’al.

Eri are ri’ xtaq uchapik loq rumal ri Q’atol tzij rech pa Tinamit Paxil ri’, xcha’.