Xaq te’et k’o tzukunem xb’an pa japache’ rech Pavoncito

 

Are rech b’a’ kanimax uwach ri cholchak rech ya’olchajinik che taqim ub’anik rumal ri K’amal b’e Amaq’ Alejandro Giammattei, ri Ministro rech Gobernación, Edgar Godoy xuquje’ katajin pa komon ruk’ ri Primer Viceministerio rech Seguridad rumal ri’ k’o jun tzukunem xb’an pa Nim Japache’ rech “Pavoncito ri’”.

Eri q’atb’altzij rech ri japache’ xaq k’a te’et xkib’an jun tzukunik chi’ kumal e ajchajil tinamit, kumal e ajchajinel rech ri japache’, kumal ri grupo élite rech ri K’amoj ub’e ri Sistema Penitenciario, chi’ k’o k’i jastaq xraqataj ri’ ri pa aninaqil xk’am b’i pa q’atb’altzij ri’ xuquje’ k’o jun tzukunik xmajtaj chi rij ri’ rech kilik chinaq ajmak chi rij wari’ che ri jastaq ri’ xraq kuk’ ri e ajpache’ ri’.

Eri xya’taj utzijol ri’ che we tzukunik ri’ are rech uq’atexik b’anoj k’ax pa le japache’ ri’ xuquje’ rech majun b’anoj k’ax chi’ xuquje’ rech k’o nim ya’olchajinik kab’an pa le Wokajil Japache’ ri’.

Ruk’ katob’anik reqa’lenel ri PNC, pa le b’anoj tzukunem ri’ xb’antaj kowinem xraqatajik k’i taq ch’ich’ k’olib’al pa le sectores 15 xuquje’ 17; ri are wa’ ri xraqatajik k’o waqib’ taluwach waqib’ k’utwachib’al, jo’ob’ jorob’sab’al, waqib’ uqul jub’ub’al tzij, kajib’ ya’b’al kaqiq’, jo’ob’ kaxlan tzakb’al, jun microondas, jun k’ilb’al, wuqub’ k’amoj retal ch’awib’alil, 21 chi ch’awib’alil, 4 kolob’al tz’ib’anem, jun router rech k’amoj retal internet, jun b’ilob’al rech router, oxib’ q’axal tzij ch’awib’al, k’i b’ilob’al uq’ab’ ch’awib’alil, keb’ pajb’al, jun k’olib’al rech cocaína, jun ramb’al ti’ij, jun b’insab’al rech Nintendo ri’.

Eri q’atb’altzij rech amaqil kakita’o chi ke ri winaqil tinamit konojel rech chakiya’o loq katzijol e ajb’anol k’ax ri’, pa le 110 xuquje’ pa le 1574 xuquje’ pa le 1518 ri’.

Noticias Recientes