Xtaqix k’ut rech xtzijox ri chak b’anom ri’ kumal ri viceministro rech ri Ministerio rech Gobernación xuquje’ ri taqanelab’ rech ri Wokajil Ajchajil Tinamit (PNC), pa le nimaja rech riqb’alil rech ajchajil tinamit ri’ pa le riqoj ri’ xek’oji ri gobernadores rech taq tinamit. Eri riqb’alil ri’ are xk’am ub’e rumal ri ministro rech Gobernación, David Napoleón Barrientos ri xub’ij che xmajtaj ya’el uchuq’ab’ ri ya’olchajinem winaqil ri’.
Pa le riqb’alil xek’oji ri viceministro Administrativo, Otto René Gómez ri’, ri viceministro de Seguridad, Carlos Franco ri’, ri tercer viceministro, Ronald Portillo ri’ xuquje’ ri k’amol b’e rech PNC, Héctor Hernández ri’. Xuquje’ xek’oji ri juk’al keb’ kuwach gobernadores rech taq tinamit xuquje’ ri secretario Ejecutivo de Presidencia, Álvaro Velásquez ri’.
Eri ministro Barrientos xub’ij che ri riqb’alil kuk’ ri gobernadores ri’ are la’ xtaq ub’anik rumal ri k’amal b’e amaq’ Alejandro Giammattei, rech yab’al uchuq’ab’ ri patan wokajilal xuquje’ rech k’o jun tob’anem kab’an ri’ pa taq jujun tinamit.
“Kata’ik xuquje’ kachomaxik ri kakita loq ri tinamit, are la’ uwach upatan tajin che ub’anik ri q’atb’al tzij rech ri ya’olchajinem pa Amaq’, rumal ri’, kojtajin che uchomaxik ri kakita loq ri winaq rech k’o jun utzalaj ya’olchajinem winaqil ri’ xuquje’ rech uq’atexik uchuq’ab’ ri b’anoj taq k’ax”, xcha’ ri Barrientos.
Eri Jorge Juan De León, gobernador rech Chinab’jul, xub’ij che ri tzijob’enik ri’ are la’ k’o nim upatan rech pa le ya’olchajinem winaqil, are wa’ ri chakunem ri utz ub’anik kakib’an ri q’atb’al tij pa le qatinamit.
“Eri riqoj ib’ chi kuwach ri winaqil kuk’ ri PNC are la’ ub’anom rech xq’atataj ri b’anoj k’ax pa le rulewal nimatinamit ri’, k’o nim upatanib’al b’a’, ri ya’olchajinem xtaq ub’anik kumal ri q’atb’al tzij rech taq tinamit”, xcha’ ri De León.
Chi ke ri chak tajin kumam ri e ajchajil tinamit, are ri ya’olchajinem winaqil, ri chomanem kuk’ ri winaqilal, ri q’atenik b’anoj k’ax pa joremal ri’.