Are wa’ xb’antajik rech xtaqixik utzijob’exik ri k’aslemam chik chi rij uq’axexik xuquje’ uporoxik ri uk’u’x b’anob’al awan kunb’al pa Iximulew xuquje’ are wa’ qas nab’ejsab’al tzijob’enik katajin pa rulewal taq tinamit, eri opanem are xb’antaj pa le Nimrachoch rech Uk’u’x B’anob’al Awan Kunb’alil rumal ri’ Ministerio rech Gobernación, ri xopan wi jun wokaj ajilonelab’ rech Costa Rica ri’.
Eri ajsolinelab’ rech ri Organismo rech Investigación Judicial (OIJ), konojel e are oficiales rech ri wokom patanem nimatinamit costarricense xuquje’ ajpatanelab’ rech ri Agencia Internacional rech Asuntos Antinarcóticos xuquje’ rech Upatanem ri Taqanik ri’ (INL), rech ri embajada rech Estados Unidos, pa Costa Rica ri’, e xepetik xakilo ri b’anoj taq chajinem q’atenik b’anom ri awan kunb’al riqom ri’, ri uq’axexik xuquje’ ri uporoxik b’anom, pa le Utaqanem ri Wokom K’amoj b’e Amaq’ 2020-2024 ri’ xuquje’ pa le Cholchak rech ri Ministerio rech Gobernación ri’ xcha’ ri quinto viceministro, Fernando Rodas De León ri’.
Xub’ij ri’, che ri chakunem ri’ are la’ taqom ub’anik rumal ri k’amal b’e Amaq’ Alejandro Giammattei xuquje’ rumal ri ministro rech Gobernación, David Napoleón Barrientos, are wari’ k’o nim upatanib’al ub’anom pa le kaq’atexik ri narcotráfico ri’.
“K’a we q’ij kamik porom chik 873.8 toneladas métricas uk’u’x b’anob’al awan kunb’al, are wari’ ruk’ utob’anik ri programa INL pa Iximulew xuquje’ pa le uk’amik loq, uq’axexik, pa le xqajisax ri’, pa le umolik xuquje’ rech te k’u ri’ pa le uporoxik”, xcha’ ri Rodas.
Xub’ij chik eri kopanib’alil chi’ are rumal eri Wokom K’amoj Ub’e ri nimatinamit Costa Rica, are tajin kutzukuj jun porob’al junam le rilik ruk’ xukquje’ ri k’ak’ ri’, are wa’ jun nim b’anowem ub’anom ri Wokom K’amoj Ub’e Iximulew ri’ pa le uq’atexik uporoxik ri uk’u’x b’anob’al awan kunb’al ri’.