Eri Wokajil Ajchajil Tinamit ri’ ub’i’ (PNC) ri’ pa keqele’n kichak ri jalajoj kuwach ri wokaj e ajno’j chajinelab’ ri’ xuquje’ ri comisarías keriqitaj chi la’ pa nimatinamit rech pa we Amaq’, pa 13 rech octubre ri’ xkib’an jun nimalaj tzukunem solinik ri’ rech xkitzukuj nik’aj pandilleros ri’, ri k’aqb’alil xuquje ri b’anoj taq k’ax ri’, che ri kub’an k’ax chi ke ri winaqil e aj iximulew ri’.
Eri Subdirector General rech Operaciones, Nery Benito xub’ij “are wa’ xtaq ub’anik rumal ri Ministro rech Gobernación, David Napoleón Barrientos xuquje’ kumal ri taqanelab’ ri wokaj ajchajil tinamit, xkoj k’ut uk’olib’al b’anoj tzukunem solinik kitzijol ri ch’ich’ pa le Distrito Central nimatinamit ri’, chi la’ k’ut eri e ajchajinel xkisolij kiwujilal ri e ajb’inisal ch’ich’ we man taqom ta kichapik ri’ xuquje’ rech kilik we ri ch’ich’ e eleq’am ta ri’. Tajin usolixik we ri winaq keqam ta awan jastaq kunb’al, k’aqb’al ri’”.
“Xuquje’ ketajin che kaqan ub’anik tzukunem solinik pa taq ri b’e ri’ xuquje’ chi rij taq kejach’ich’ pa taq le wokja che ri qas kab’an wi k’ax ri’, rumal ri’ sib’alaj kaqab’ij chi ke ri winaqil e aj iximulew rech chakib’ij b’a’ loq pa le 110 kuk’ ri e ajchajil tinamit, pa le 1574 kuk’ antiextorsiones ri’, pa le 1577 kuk’ antinarcótica xuquje’ pa le 1561 pa le Crime Stoppers ri’. Pa awalik b’a’ ri ub’ixik loq”, xcha’ ri Benito.
Eri b’anoj tzukunem solinik ri’ are la’ xub’ano rech xesajat ri ajchajinelab’ kuk’ ri winaqilal, ri xkib’ij che sib’alaj utz kakilo ri b’anoj tzukunem solinik ri’, rech b’a’ kaq’atexik ri b’anoj taq k’ax pa juntir rulewal qanimatinamit ri’.