Xb’antaj ri Urox Chomanem rech xchomaxik uq’atexik ri Ch’ojinik chi kuwach ri Nahualá ruk’ Santa Catarina Ixtahuacán ri’

Pa le tinamit rech Santa Lucía Utatlán rech Nahualá xuquje’ Santa Catarina Ixtahuacán ri’ ri xetatab’en wi ri Ministero rech Gobernación, Gendri Rocael Reyes Mazariegos, ri Primer Viceministro rech Seguridad, Carlos Franco Urzúa, ri Ministro rech ri Defensa, Henry Reyes Chigua, ri Gobernador Departamental, Rodolfo Salazar xuquje’ ri Q’atol tzij rech ri Ministerio Público, xkiriq kib’ pa chomanem kuk’ ri ajkalte’ib’ rech ri keb’ tinamit ri’.
Eri xtaqix uchoamixikr i’ are rech kaq’atatajik ri ch’ojinem tajin kab’an chi kuwach ri keb’ tinamit ri’.

Aretaq xb’antaj ri riqoj ib’ ri’ eri q’atb’al tzij rech ri Ya’olchajinem pa Amaq’, Gendri Reyes xub’ij, “Pa le urox riqoj ib’ ri’ are la’ xechomax wi e jalajoj taq aldeas ri’, chi la’ k’ut xb’antaj xetotaj wiri’ chi jujunal ri puq winaq ri’ ri xkib’ij ri xkita ub’ixik chi la’ k’ut, chi’ xkib’an wi jun utz k’utuj kumal ri e ajkalte’ib’ rech ri tinamit ri’ rech are kakaj pa joremal kek’oji b’a’ ri winaqil ri’ jeri’ pa taq ri keb’ tinamit ri’”.

Xub’ij chik che ri qas xchomax uwach ri’ are chi rij uq’atexik ri k’ax ch’ojinem chi kuwach taq ri winaqil ri’, chi la’ k’ut xkichomaj wi rech are kakikoj ri ja’ chi la’ xuquje’ rumal ri’ kechoman pa jun chik wuqq’ij petinaq ri’.

Eri Ministro xub’ij eri qas b’isob’al ri’ are ri’ k’ax k’a te xb’antaj kanoq pa jo’lajuj q’ij kanoq ri’ rumal ri’ k’o nim tzukunem xb’antaj chi la’ kumal reqa’lenel ri Subdirección General rech Investigación Criminal pa komonb’al kuk’ ri’ Ministerio Público ri’ ri k’o k’i taq b’anoj xb’antaj chi la’ k’ut rech investigación criminal ri’ ri are la’ sib’alaj pa aninaqil xb’antaj pa jun uwach wuqq’ij ri’ rumal ri’ xkib’ij che pa jun chik wuqq’ij kaya’ ub’ixik ri kib’i’ ri winaqil che ri xkib’an ri k’ax chi la’ ri’.

Eri Ajkalte rech Nahual’a xub’ij che ri ruk’ ri Consejo Municipal ri’ qastzij k’ut kakaj qas kakichomaj uwq’atexik ri b’anoj k’ax pa le keb’ tinamit ri’.

 “Are rech b’a’ kab’antaj kowonem ruk’ kakub’isax uwach ri chomanem ri’ rajwaxik b’a’ katzijox uwach juntir wari’ ri kax itzelal kakilo ri winaq kab’an pa taq ri tinamit ri’. Ruk’ wari’ are kaqach’ob’o jas che xk’utun ri b’anoj taq itzelal ch’ob’oj kumal ri winaqil ri’, rumal ri’ rajwaxik kaqatzijoj ri’ xuquje’ rech kaqachomaj wari’”, xcha’ ri Ajkalte ri’.

Eri Ajkalte rech Santa Catarina Ixtahacán, xub’ij che maltyox che ri ya’olchajinem chi’ kumal ri e ajchajil tinamit xuquje’ kumal ri Wokajil Ajchajil Iximulew ri’ xuquje’ rmal ri’ xuta chi ke ri Mesas de Dialogo ri’, rech chab’antaj kowonem b’a’ rech kopan ri Joremal xuquje’ Utzilal pa le keb’ tinamit ri’.

Eri xchomataj k’ut

Pa k’isb’al ri Tercera Mesa rech Diálogo ri’ eri q’atb’al tzij ri’ ri Ministro xuquje’ ri Viceministro rech Seguridad, xchomataj b’a’ kumal rech kakoj ri ja’ k’a pa le aldea Chiriox pa Xolcajá I xuquje’ II rech kab’an uchakuxik pa taq le k’uwa’ rech ja’ k’o pa Patzité, rech kopan pa le aldea Chirijox, xuquje’ rech are la’ kaya’ ub’ixik chi ke ri winaqil rech Patzité xuquje’ Chirijox ri’, rech kaq’atexik ri b’anoj ch’ojinik ri’.

Noticias Recientes