Eri reqa’lenelab’ ri unidades especializadas, eri reqa’lenel ri comisarias rech ri Distrito Centrarl rech ri Wokajil Ajchajil Tinamit (PNC) xuquje’ kumal rajchajinelab’ ri Sistema Penitenciario (SP), xkib’an jun tzukunik pa le sector I rech ri Centro Preventivo rech ri zona 18 rech pa nimatinamit.
Eri q’atb’al tzij xkib’ij che pa jun puqchajinem tzukunik xb’antajik chi la’ k’ut xriqita wi 33 nojisab’al uq’aq’nil ch’aweb’al, kajib’ pajib’al, keb’ memorias USB, jun kojb’al rech Micro USB, 27 kuchila, jo’ob’ torob’al, jun b’ajib’al, jun nawaxa, keb’ chi qach’ib’al, jun k’olib’al rech gas pimienta, oxib’ DVD rech keqaxik, jun b’anob’al rech tz’ib’an achib’al, ruk’ nik’aj wujil ruk’ rajilab’a ch’aweb’alil, jun ujek’ib’al retal ch’aweb’al xuquje’ ruk’ kolob’ch’ich’ rech jekib’al retal ch’aweb’al.
Eri b’anob’al ri’ are la’ tajin ub’anik ruma ri Wokom Taqawokajil rech Iximulew xuquje’ rumal ri Ministerio rech Gobernación (Mingo), rech taqim ub’anik ri ya’olchajinem tuzunik pa taq rachoch japache’ tz’apib’al winaq k’o kimak, rech uq’atexik ukojik chi’ jastaqil ri maj pa usaqilal xuquje’ rech uq’atexik b’anoj taq toq’inik pwaq chi ke winaqilal ri’.