Paq’ij martes 8 rech noviembre eri reqa’lenel ri División Especializada rech Investigación Criminal (DEIC), rech ri Wokajil Ajchajil Tinamit (PNC), xkib’an puqchajinem tzukunik ri’ rech kaq’atexik nik’aj elaq’omab’ kakib’an elaq’ chi ke ri winaqil chi rij taq ri Centro rech Emisión rech Pasaportes ri’ rech ri Instituto Guatemalteco de Migración (IGM), k’o pa zona 4 rech pa uk’u’x nimatinamit.
Eri tzukunelab’ ruk’ katob’anik ri rajchak ri migración ri’ xkib’an kaq’atexik nik’aj winaq kib’i’ tramitadores kakib’an k’ax elaq’ chi ke winaqil che ri are chi’ kepe che resaxik ri kiwujil ub’i’ pasaporte ri’ rech maj jun b’a’ kab’an elaq’ chi re k’ut, rech mejo’sax tane’ ri’.
Rumal ri’ xchapataj jun ixoq’ ub’i’ al Dalia Saraí Juguan Tema, 25 ujunab’, kab’ixik reqam jun k’aqb’al maj uwujil ri’ che ri ya’tal rumal ri Dirección General rech Control rech Armas xuquje’ Municiones (Digecam) ri’. Xriqitaj jun k’aqb’al, keb’ k’olib’al ub’aq’ k’aqb’al xuquje’ 32 ub’aq’ k’aqb’al utz kakoj ri’.
Eri q’atb’al tzij sib’alaj xkib’ij che xkisik’ij ri winaqil e aj iximulew ri’ rech chakib’ij b’a’ pa le 110 kuk’ e ajchajil tinamit xuquje’ pa le 1572 pa le Ministerio Público (MP). Tojom taj kaya q’ij wi ri q’ij rech ke’opan ri winaq che resaxik kiwujil ri’.