Xchap jun pandillero rech ri Barrio 18 ri’ kumal ri PNC

Eri Erick Estuardo Ajanel Recinos, ujunab’, kab’ixik are uwinaqil ri Barrio 18 xchapataj kumal reqa’lenel ri Woka Ajchajinelab’ rech Q’atenel Pandillas (Dipanda) rech ri Wokajil Ajchajil Tinamit (PNC), pa le 17 calle xuquje’ 2a. avenida, zona 1 rech pa nimatinamit ri’.

Eri e ajchajil tinamit xkib’ij, che ri jun xchapatajik ri’ xriqitaj jun k’aqb’al ruk’ josomel urajilab’al chi rij, ruk’ jun tolw xuquje’ jo’ob’ ub’aq’ k’aqb’al ri’.

Eri e ajchajil tinamit ri’ xkib’ij che ri jun k’aqb’al xriqitajik are tajin utzukuxik uwach kumal ri q’atb’al tzij, rech kakiya uchuq’ab’ ri tzukno’jchak chi rij ri’ rumal ri jun b’anoj k’ax.

Ri jun chik xchapik

Pa le aldea El Naranjo, La Libertad, Petén, xchapataj wi jun achi’ ub’i’ Salvador Antonio Santamaría López, 30 ujunab’, che ri reqam jun k’aqb’al marca Tanfoglio, jun b’ilob’al rech xuquje’ ruk’ jo’ob’ ub’aq’ k’aqb’al.

Eri wokajil ajchajil tinamit ri’ xkib’ij che ri jun xchap ri’ xub’ij maj uwujil ri k’aqb’al reqam ri’, ri wujil che ri ya’tal rumal ri Dirección General rech Control rech Armas xuquje’  Municiones (Digecam) ri’.

Noticias Recientes