Are ri a Erick Alexander Alvarado Galindo, 22 ujunab’, xchapataj loq kumal reqa’lenelab’ ri Wokajil Ajchajil Tinamit (PNC), pa jun tzukunik xb’an pa le kilómetro 195 ruta CA-2, pa rulewal tinamit Retalhuleu ri’.
Eri e ajchajil tinamit, xkib’ij ri’, che ri jun achi xchap ri’ are k’ut xriqitajik are chi’ tajin e k’amom b’i pa jun camión e 49 chi winaqil kapetik loq Cuba xuquje’ Georgia, ri maj pa usaqil kab’ixik keriqitaj pa we Amaq’ ri’.
Eri winaqil e ajq’axel ri’ sib’alaj xeto’ik kumal ri q’atb’al tzij, ri xek’am b’i pa le rachoch ri Instituto Guatemalteco rech Migración (IGM), rech ketaq b’i pa katinamit. K’o ri jun ala chi ke xjach b’i pa kq’ab’ ri Procuraduría General rech ri Amaq’il (PGN) ri’.
Eri wokajil ajchajil tinamit xkib’ij che ri jun ajb’inisal nimach’ich’ ri’ xk’am b’i pa q’atb’al tzij, rech kachomax chi rij ri k’ax xub’an ri’.