Pa uterenb’exik katzukuxik e b’anol k’ax ri’, eri reqa’lenel ri División Especializada rech Investigación Criminal (DEIC) ri’ rech ri Wokajil Ajchajil Tinamit (PNC) xuquje’ rumal ri Ministerio Público (MP) ri’, xkib’an jun nimalaj tzukunem rech xkitzukuj nik’aj e’ajb’anol k’ax ri’, elaq’omab’ pa qatinamit ri’, rumal ri’ xb’antaj kowonem xchapataj jun ajtaqol e’ajb’anol k’ax ri’.
Eri Juan Calros Huang 53 ujunab’, kab’ixik xub’an b’anoj elaq’ xuquje’ b’anoj k’ax ri’, xuquje’ kab’ixik are ajtaqol kech jun molaj b’anol k’ax kib’i’ Knitopia
Rumal ri’, e pa tinamit chi uwach ri nimaja lote 39, manzana 02, colonia 9 de julio, zona 4, rech Villa Nueva ri’, eri reqa’lenel xkichap loq jun achi ub’i’ Wilson Alfredo Castillo Ruano 34 ujunab’ ri’, ri xtaq uchapik rumal ri jun q’atol tzij rech pa tinamit Escuintla ri’, rumal ri’ ri achi ri’ xub’an b’anoj elaq’ ri’.
Jeri’ eri Q’atb’al tzij rech pa tinamit Sacatepéquez xutaq uchapik ri jun achi ub’i’ Augusto Pamal Rancho, 58 ujunab’ ri’, rumal xub’an nim elaq’ chi ke winaq ri’.
Pa unimaxik ri’ ri xutaq uchapik ri jun Q’atol tzij rech pa tinamit Escuintla ri’, eri e’ajchajinelab’ xkichap loq pa le Lote 225 B Callejón la Montaña, Colonia San Antonio Pepinal Amatitlán, jun achi ub’i’ Gerardo Antonio Arriola Aquino 39 ujunab’ ri’, kab’ixik rumal k’o b’anoj k’ax xuquje’ elaq’ xub’an ri’, xuquje’ k’o oxib’ chi ch’a’wib’alil xriqitaj ruk’.
Eri a Genri Estuardo Quisque Morales 22 ujunab’, xchapataj kumal ri DEIC ri’, chi uwach ri Parcela 75, lote 3, Colonia Florido Aceituno, Escuintla ri’, rumal k’o k’ax elaq’ xub’an ri’, xuquje’ xriqitaj ruk’ jun ch’a’wib’alil.
Pa le Colonia Las Marías, lote 20 de Palín, Escuintla, xchapataj wi jun achi ub’i’ Julián Paiz López, 28 ujunab’ ri’, ri xriqitaj jun ch’a’wib’alil ruk’.
Eri e’ajchajil tinamit ri’ e’ajq’atel keleq’axik ch’ich’ pa le 16 calle, 27-79, colonia Santa Elena 3, zona 18, chi la’ k’ut xkichap wi loq a Estuardo Rene Villatoro Osorio 30 ujunab’ ri’, rumal xub’an elaq’nik ri’.