Xchapataj jun ala xuquje’ k’o awan kunb’al xriq pa tzukunem pa Sacatepéquez ri’

Are wa’ uwach ri q’atenik k’ayin awan kunb’alil kab’an pa tinamit ri’, rumal ri’ eri reqa’lenel ri División Especializada rech Investigación Criminal (DEIC) ri’ rech ri Wokajil Ajchajil Tinamit (PNC) kuk’ ri q’atol tzij rech ri Ministerio Público (MP) xkib’an k’ut oxib’ chi tzukunem pa Sacatepéquez ri’.

Eri xriqitaj ri’

Pa jun nimaja xriqitaj wiri’ 201 chi k’olib’alil ruk’ marihuana ri’, 56 uware ruk’ cocaína ri’ xuquje’ keb’ blísteres ruk’ crack. Xuquje’ k’o jun ala wuqlajuj ujunab’ xchapataj loq xk’am b’i pa Q’atb’al tzij kech Q’apojil ri man keniman che Q’atol tzij ri’.

Eri reqa’lenel ri Subdirección General rech Análisis rech Información Antinarcótica (SGAIA) ri’ xkib’an jun rilik retaxik uwach ri awan kunb’alil xriqitaj ri’ rumal ri’ sib’alaj xq’alajinik che are ri’ ri awan kunb’alil ri xriqitajik.

Pa jun ukab’ nimaja ri’, eri PNC xkiya’ loq utzijol che xriqitaj jun k’aqb’alil, ruk’ 56 ub’aq’ k’aqb’alil xuquje’ jun kejach’ich’ tak’ab’em ukojik ruk’ ri placas rech kab’inisaxik 449FJF ri’.

Eri kunb’alil maj pa usaqil ri’ are la’ xk’am b’i kumal ri q’atb’al tzij rech q’alajisab’al ri kimak xkib’an ri’.

Ultimas noticias

Alerta de Corrupción