Pa le upatanixik ri cholchak ya’olchajinemJaguar Nocturno II ri’ eri reqa’lenel ri Wokajil Ajchajil K’ache’laj (DIPRONA) rech ri Wokajil Ajchajil Tinamit (PNC) k’o jun achi xkichap loq rumal katajin che uqupixik jun nimache’ ri’.
Ri jun achi ri’ xchapataj loq chi la’ pa le sector 13 rech ri finca Montealegre pa le uq’ab’tinamit rech La Gomera pa Escuintla ri’ aretaq xaq k’a te’et xriqitaj loq ri jun achi ri’ ub’i’ Adán Acajabón Samayoa 43 ujunab’ ri’.
Eri jun achi ri’ katajin b’a’ che uqupixik ri nimache’ are uwach Conacaste ri k’o 1.82 etok’al rij kapajan ri’ aretaq xta ri uwujil che ri kesax pa le Instituto Nacional rech K’ache’laj (INAB) ruk’ ri uwujil ri motosierra ukojom ri’ ri maj xuk’ut ri’ rumal ri’ xk’am b’i pa q’atb’altzij chi rij ri k’ax xub’an ri’.