Pa le Aldea el Carpintero, Chiantla rech Chinab’jul, eri reqa’lenel ri División Especializada rech Investigación Criminal rech ri Wokajil Ajchajil Tinamit pa komonb’al kuk’ ri q’atol tzij rech ri Ministerio Público k’o oxib’ b’anoj tzukunik pa taq ja xb’an ri’ rech xchap loq jun achi k’o jun ixoq ukamisam.
Eri xchapataj loq are Onorio Argueta Cano 39 ujunab’, kab’ixik k’o jun ixob’ xub’an k’ax che rumal rumal reqam jun k’aqb’alil maj pa usaqil, eri are xtaq uchapik rumal ri q’atol tzij rech jun Q’atb’altzij ri’ rumal ri’ xk’am b’i pa el q’atb’altzij che ri xtaqow uchapik loq.
Pa jun rachoch ri achi’ Cano ri’ chi’ xraqataj wi loq jun k’aqb’alil jun puch’b’al, jun chik k’aqb’al, ruk’ jun b’ilob’al rech ruk’ wuqub’ ub’aq’ k’aqb’alil ri’, man uwujil xuk’utu.
Pa jun ja k’olib’al xtzukux upam ri’: chi’ xraqataj wi jun uch’aqap chajchoj rilik k’o kik’ saqom chi rij, ruk’ jun atz’iyaq rech kuchb’al xuquje’ k’o kik’ chi rij.