Xchapataj loq jun b’anol k’ax che ri xukamisaj jun ali julajuj ujunab’ ruk’ jun ixoq areta ketajin che k’ayin tob’al numik pa zona 21 ri’

 

Eri jun b’anol k’ax che xukamisaj jun ala ali 11 ujunab’, ruk’ jun ixoq aretaq ketajin uk’ayixik tob’al numik pa le sector Los Barberos, colonia Loma Blanca, zona 21 ri’, we kamik eri jun kamisanel ri’ are xchapataj loq kumal reqa’lenelab’ ri Departamento rech Investigación rech Delitos Contra la Vida rech ri División Especializada rech Investigación Criminal ri’, are ri’ xraqataj loq pa jun tzukunik xb’antajik pa komonb’al ruk’ ri Ministerio Público chi’.

Eri jun b’anol k’ax ri’ are ub’i’ Iván David Latín Gómez 22 ujunab’, kab’ixik are xub’an ri kamisanik ri’, rumal ri’ xk’am b’i pa q’atb’altzij chi rij ri b’anoj k’ax xub’an ri’.

Eri jun b’ano k’ax ri’ che ri xub’an ri kamisanik pa le 7ª avenida y 18 calle rech ri colonia Loma Blanca, zona 21, chi’ k’u ri’ xekam wiri’ le Zoila Lucrecia Xec Pamal 11 ujunab’ xuquje’ le Mayra Elizabeth Telles de León 37 ujunab’, pa le 13 rech diciembre rech ri 2019, rumal ri’ eri tzukno’jchak katajin na chi rij ri’.

Ri are xtaq uchapik loq rumal ri Q’atb’altzij rech Narcoactividad xuquje’ chi rij b’anoj k’ax che ri kajulew pa Iximulew ri’, pa le waqib’ q’ij rech enero rech pa junab’ ri’.

Noticias Recientes