Pa le tzukunem xb’antaj kumal ri reqa’lenel ri División Especializada rech Investigación Criminal (DEIC), ri Wokaj Ajchajinelab’ e Ajq’atel taq Pandillas (Dipanda) rech ri Wokaj Ajchajil Tinamit (PNC) xuquje’ rumal ri Ministerio Público ri’, xq’alajin chi kuwach che e are nik’aj uwinaqil jun molaj b’anol k’ax kib’ “Leeward Locos Salvatrucha”, pa naj taq junab’ ri’ xkitoq’ij pwaq chi ke ri e ajk’ayinel rech Le Terminal zona 4 rech nimatinamit.
Eri tzukunem xb’antaj ri’ pa taq le zonas 3, 5, 17 xuquje’ 18 ri’, chi la’ k’ut eri wokaj ajchajinelab’ xkichap wi a José Andrés Vázquez Rosales 43 ujunab’, al Erika Alejandrina de La Cruz Veliz 21 ujunab’, a Óscar David Quintana Raxtún (Taqanel), a Noé Esaú Barrientos Rivas xuquje’ a Gerber Geovani Cante Flores 33 ujunab’; xuquje’ xechapik a Jhony Antonio Ramirez Osoy, a Edgar Alejandro Reyes Ramírez, a Edy Estuardo Chach García, al Brenda Lorena García González xuquje’ e oxib’ winaq chik che ri e tz’apil pache’ ri’.
Eri q’atb’al tzij xkib’ij che ri nik’aj winaq ri’, e are xkikoj kib’ chi pandillero rech ri Barrio 18 ri’ rech xkixib’ij xuquje’ xkitoq’ij chom pwaq chi ke ri winaqil ri’.