Pa aninaqil ri’, eri reqa’lenelab’ rech ri Wokajil Ajchajil Tinamit (PNC) rech ri Comisaría 16 xekowin che uchapik loq jun achi b’anol k’ax ub’i’ Víctor Gómez Sánchez 34 ujunab’ xuquje’ a José Morales Salguero 19 ujunab’ kab’ixik e are k’ut xukamisaj jun ixoq uwinaqil ri jun molaj b’anol k’ax ri’.

Eri kab’ixik ri’, eri nik’aj b’anol k’ax xechapataj ri’ xuquje’ ri ixoq che xkamisax ri’ e uwinaqil ri jun molaj b’anol k’ax kib’i’ “Pequeños Sicópatas Criminales” rech ri mara 18.

Eri q’atb’altzij rech ajchajil tinamit, xkiya’ loq utzijol che ri Gómez Sánchez pa kajib’ mul xq’alajinik taqom uchapik rumal toq’inik pwaq, rumal utijik itzel kunb’alil, rumal reqaxik k’aqb’alil, rumal reqaxik nik’aj chik k’aqb’alil, rumal reqaxik k’aqb’alil maj pa usaqil, ronojel ri b’anoj k’ax ri’ are xub’an pa le junab’ 2013 ri’.

Eri k’aqb’alil ri’

Pa jun chik tzukunem kumal e ajchajil tinamit, pa juyub’ tinamit rech Petén, e k’o keb’ achijab’ xechapataj loq kab’ixik k’o keb’ k’aqb’alil xraqataj kuk’, jun raqarik k’aqb’alil, ruk’ 13 b’ilob’al rech, ruk’ 358 ub’aq’ chi k’aqb’alil xuquje’ ruk’ lajuj chi ch’awib’alil ri’.