Xechapaj nik’aj elaq’omab’ ajtoq’inel pwaq ri’ kikojom kib’ che e Q’atol tzij rech ri MP

92

E reqa’lenel ri División Especializada rech Investigación Criminal (DEIC) xuquje’ rech ri Subdirección General rech Análisis rech ri  Información Antinarcótica (SGAIA), rech ri Wokajil Ajchajil Tinamit, pa jun nimak’ayib’al ri’, k’o pa Avenida Las Américas, rech ri zona 14, chi’ xkekowinik xkichapo nik’aj elaq’omab’ e ajtoq’il pwaq e are ri’ jun ixoq ub’i’ Karina Jeannete López Hernández, 50 ujunab’ xuquje’ a Elmer Lizardi Cash Díaz, 26 ujunab’ ri’, eri e are ri’ kikojom che e ajq’atol tzij rech ri Ministerio Público ri’ rech sib’alaj tajin xkitoq’ij pwaq chi ke e ajk’ayib’ chi’.

Eri López Hernández, xch’ob’otaj uwach ri are ajchak rech ri Q’atb’altzij rech Q’atel poq’sab’al maj pa usaqil rech ri Ministerio Público, eri Cash Díaz ri are xub’ij kachakun pa le k’amoj ub’e rech pa q’atb’altzij ri’.

Eri e keb’ winaq ri’ xeraqataj k’ut ketajin che ri b’anoj k’ax ri’ aretaq xe’opan che uk’amik jun k’olib’al rech Q85 mil 500 chi pwaqil ri’, are ri’ xkitoq’ij chi ke jun achi ajq’inomal ri’.

Eri b’anoj tzukunem ya’olchajinik are wa’ xb’anik aretaq xya’taj uloq ub’ixik ri’ pa le 11 rech octubre rech pa junab’ ri’, pa jun b’iw ub’ixik ulqo pa le 1577, rech ri Subdirección General rech Análisis rech Información Antinarcótica rech ri Wokajil Ajchajil Tinamit ri’.