Aretaq xb’antaj ri tzukunem chi kij ri’ rumal k’o ri jun winaq pa awalil xuya’ loq kitzijol, xya’taj ub’ixik che xtaq kchapik e jo’ob’ chi reqa’lenel ri Wokajil Ajchajil Tinamit ub’i’ (PNC), rech kanimaxik kaya uchuq’ab’ ri Ub’e’al Uk’extajik Kuwach e Ajchajil Tinamit ri’. Are wa’ utzijolinik xya’taj rumal ri Director General rech ri PNC, Héctor Leonel Hernández Mendoza pa jun tzijolinem chi kuwach ri Taqanelab’ rech ri Ministerio Público (MP), pa jueves 28 rech julio ri’. Rumal ri’ xb’an katzukuxik kumal ri wokajilal ri’.
Eri K’amal b’e rech ri PNC xub’ij eri nik’aj ajchajinelab’ ri’ xechapataj loq we q’ij kamik. Jun chi ke are oficial tercero rech chajinem tinamit, ub’i’ a Nelson Oliverio de Paz Franco; ri subinspector, Walter Vinicio Gómez Corado xuquje’ ri e ajchajinelab’ kib’i’ a Álvaro Julio Pérez González, a Hermenegildo Enrique Rodríguez xuquje’ a César Amílcar Cún Pop, konojel ri’ kab’ixik maj jun xetaqowik xkib’an tzukunem pa jun kachoch winaq, ri xkib’an wi elaq’, xuquje’ xkichap ri winaq chi’, are la’ maj pa usaqil ri’.
Eri q’atb’al tzij xkib’ij eri nik’aj ajchajinel e b’anol k’ax ri’ xkikoj ri uch’ich’ ri PNC rech xe’opan pa kachoch ri winaq ri’ rech man k’ot pa usaqil xkitzukuj upam ri’ xuquje’ chi la’ kut’ k’o ri jastaq xkeleq’aj ri’. Rumal ri’ we kamik tajin utzukuxik uwach pa taq ri xkib’an ri k’ax pa Jutiapa, Jalapa xuquje’ pa Chiquimula ri’.
Eri K’amal b’e ri’ xub’ij che ri karaj na kechapik nik’aj ajchajinelab’ kib’i’ Héctor Ché Choc xuquje’ a Rubén Pinto Cruz, ri kab’ixik e uwinaqil ri jun molaj b’anol k’ax ri’.
“Eri uj aj PNC kaqaterne’j unimaxik ri ya’olchajinem tzukunik pa qawokajilal ri’ xuquje’ kaqakuy ta kimak nik’aj kakib’an ri k’ax ri’, rumal ri’ kaqab’ij chi ke ri winaqilal rech chakib’ij b’a’ loq”, xcha’ ri Hernández Mendoza ri’.