Xechapataj keb’ ajb’anol k’ax chi ke keb’ alitomab’ ri’ jun kab’lajuj ujunab’ jun chik kajlajuj ujunab’ ri xkib’an k’ax chi ke ri’; jun chi ke ri ali xkanaj yowab’ rumal reyem ak’al ri’.
Rumal ri’ eri reqa’lenel ri Sección rech Delitos Sexuales xuquje’ Ajq’atel ri b’anoj k’ax ri’ rech ri Wokajil Ajchajil Tinamit (PNC) xkib’an jumolaj taq tzukunem chi kij ri’, chi la’ k’ut xechapataj wi keb’ achijab’ e ajb’anol k’ax ri’.
Pa le lote 190 sector E, asentamiento Las Champas, colonia El Paraíso II, zona 18 pa uk’u’x nimatinamit ri’, eri e ajchajil tinamit ri’ xkichap loq jun achi ub’i’ Eliseo Javier Alonzo Ruano 48 ujunab’, rumal xub’an k’ax che jun ali ri’, eri b’anoj k’ax ri’ are tojom che ri winaqil xuya’ pa uq’ab’ ri’.
Xuquje’ eri q’atb’al tzij rech ajchajil tinamit xkib’ij che xkichap loq jun achi ub’i’ Rony Estuardo Choc Cha 19 ujunab’, pa le 15 avenida 15-07 zona 1, rumal xub’an k’ax che jun ali ri’.
Eri nik’aj xechapataj ri’ xek’am b’i pa q’atb’al tzij ri’.