Pa le b’anoj tzukunem ya’olchajinik pa le uq’ab’ tinamti rech San Juan Sacatepéquez xechap wi loq e waqxaqib’ chi achijab’ kab’ixik e are xkikamisaj le jun Subiinspector xuquje’ xkisak keb’ ajchajinel tinamit pa le kilómetro 39.8 pa nimab’e kab’e pa San Raymundo ri’.

Eri xechapatajik e are ri’ a Luis Pedro Chajón Culajay, 19 ujunab’, a Josué Daniel Patzan Cuc 28 ujunab’, a Feliciano Mejia López, 47 ujunab’, a Pablo Joel Tiniguar Chávez, 33 ujunab’, a Walter Omar Yaxón Chet, 24 ujunab’, a Julio Eliezer Patzan Cuc, 37 ujunab’, a Jerónimo Catarino García Chajón, 39 ujunab’, a Elvis Fernando Chajón, 29 ujunab’ ri’.

Kuk’ ri’ xraqataj wi loq k’i ch’awib’al rech eqam, ruk’ marihuana, jun nim poq’sab’al, ub’aq’ taq k’aqb’alil, jun k’aqb’al xaq b’anom ri’.

Eri comando antisecuestros xe’opan chi’ rumal xya’taj loq utzijol jun winaq xk’am b’i kumal b’anol k’ax chi’.

Eri nik’aj b’anol k’ax ri’ xechapataj loq rumal xterenb’exik katzukuxik kumal ri tzukunelab’ chi rij ri b’iw ub’ixik loq chi’, rumal k’ut eri winaq chi’ pa awalik xkib’ij loq, rumal k’ut eri nik’aj b’anol k’ax chi’ kawinaqil ri molaj rech patrulleros kuchutil kipalaj kakib’an kamisanik ri’, kakeleq’aj b’i winaq, e ajtoq’il pwaq, e ajb’anol elaq’, b’anoj k’ax chi ke ixoqib’ ri’. Eri b’anoj k’ax ri’ are kakib’an chi ke ri winaqil rech San Juan Sacatepéquez jeri chi ke ri winaqil che ri keq’ax pa taq le juyub’al ri’.

Eri tzukunem chi kij man tanab’im ta uwach ri’, are wa’ uwach ri tzukunem kab’an chi rij ri b’iw ub’ixik loq rech katzijol ri winaqil pa molajil keqam k’aqb’al ri’.

Chinaq kikaj k’o kakiya’o loq ub’ixik katzijol jun molaj winaq kikuchum kipalaj ri’ kuk’ ri e ajb’anol k’ax chakib’ij b’a’ loq pa le 110 xuquje’ pa le 1561 rech ri PNC.