Maltyox b’a’ rumal k’ut xb’antaj k’i taq tzukunik ri’, kumal ri reqa’lenel ri División Especializada rech Investigación Criminal (DEIC) ri’ rech ri Subdirección General rech Investigación Criminal (SGIC) ri’ rech ri Wokajil Ajchajil Tinamit ri’ ub’i’ (PNC) xuquje’ kumal ri rajq’atol tzij ri Ministerio Publico ri’, k’o k’i taq tzukunem xb’antaj pa kachoch winaq chi la’ pa San Pedro Pinula, Jalapa ri’, ri xechap wi loq e b’elejeb’ chi uwinaqil jun molaj b’anol k’ax kib’i’ “Limarcito” ri’, ri tajin b’anoj kamisanik, sakonik xuquje’ xib’inik sib’alaj xkib’an ri’.
Eri q’atb’al tzij rech ajchajil tinamit ri’ sib’alaj xkiya’ utzijol ri’ che ri nik’aj winaq xechapataj we q’ij kamik e are k’tu xekamisaxik, xkixib’ij ri winaqil e ajchak ri’ aretaq ketz’alij loq pa kachoch ri’, xuque’ ruk’ ri b’anoj taq kaxib’ixik ri winaq ri’, rumal ri’ sib’alaj xq’atataj ri b’anoj chak poq’san meb’il ri’ xuquje’ xresaj ri kub’sib’al k’u’x chi ke ri winaqil ri’.
Eri xechapatajik e are wari’: a Silvestre Castro Marroquín 50 ujunab’, a Leonel Mateo Pérez 46 ujunab’, a Rosalio Santiago Hernández, a Aníbal Castro Hernández 32 ujunab’, aWilmer Santiago Santiago 22 ujunab’ ri’, a Víctor Rolando Hernández Mateo 32 ujunab’ ri’, a José Manuel Gómez Pérez 43 ujunab’ ri’, a Rudy Castro Santiago 28 ujunab’ xuquje’ a Audilio Santiago Hernández 41 ujunab’ ri’, kab’ixik k’o kamisanik xkib’an ri’, k’o nik’aj chik winaq xkaj xkikamisaj ri’ xuquje’ k’o nim pora’n xkib’an ri’.
Kuk’ nik’aj winaq ri’ xriqitaj wi keb’ chi k’aqb’alil, pa le Aldea Plan de la Cruz, rech San Pedro, Pinula, Jalapa ri’. Xuquje’ rumal ri’ xek’am b’i pa q’atb’al tzij chi rij ri k’ax xkib’an ri’.