Eri Comando Antisecuestros rech ri Wokajil Ajchajil Tinamit (PNC), xkesaj jun tata 83 ujnab’ pa kq’ab’ nik’aj b’anol k’ax, pa le lote 37, manzana B, sector 2, Prados rech Villa Hermosa, zona 7, San Miguel Petapa, Iximulew ri’.
Eri q’atb’al tzij xkib’ij che pa le kchapik nik’aj b’anol k’ax ri’ are xkoj juntir ri no’jchakub’al, rumal ri’ xb’antaj kowonem xechapataj nik’aj e ajb’anol k’ax ri’ xuquje’ are chi’ xesax pa kq’ab’ ri tata’ ri sib’alaj xkitoq’ij Q8000 000 rech kakitzoqopij loq.
Are chi’ xb’antaj jun nim k’aqanik ri’, eri reqa’lenel ri Comando Antisecuestros, xkichap loq jun achi ub’i’ Carlos Humberto Pérez Veliz, 23 ujunab’, a Alerick Emanuel Quesada García, 22 ujunab’ xuquje’ jun ixoqib’ ub’i’ Emily Ninth Solares Barillas 21 ujunab’ ri’. Eri nik’aj ajb’anol k’ax ri’ xkikoj pa le b’anoj k’ax ri’ le jun ch’ich’ P571JDL, marca Ford, línea Fiesta Se, q’eq chajchoj kaq’eq’at rij xuquje’ ri jun kejach’ich’ M-893GJS ri’; xuquje’ xriqitaj jun raqarik k’aqb’al calibre 12 ri’.
Eri tzukunem ri’ are sib’alaj xeterenb’exik rumal k’o jun loq’ winaq xub’ij loq pa awalik chi k’o jun tata xk’am b’i kumal ajb’anol k’ax pa q’ij domingo kanoq pa le zona 7 rech pa nimatinamit ri’.
Pa le uta’ik loq ri nim tata ri’ xsakataj jun investigador rech ri Comando ri xk’am b’i pa jun ja rech kunanib’al.