Aretaq xkia’q ri tzukunelab’ rech antiextorsiones rech ri Wokajil Ajchajil Tinamit, e k’o nik’aj b’anol k’ax xeterenb’exik pa aninaqil xuquje’ k’o ajtzukul kech xekojik pa Nuevo San Carlos, Retalhuleu ri rumal ri’ xb’antaj kowinem xechapatajik ri’.
Are ri’ a Paulino Carrillo López 29 ujunab’ xuquje’ ruk’ jun ali 17 ujunab’ xechapataloq loq. Eri e keb’ ri’ taqom loq kachapik rumal q’atb’altzij. Eri juk’ulaj winaq ri’ kab’ixik keqam jun raqarik k’aqb’al xuquje’ keb’ ch’awib’alil ri are ri’ xkikoj pa le b’anoj k’ax k’aqanik xkib’ano.
Pa le k’aqanik kumal ri’ xekowinik xkikamisaj jun ajchajil tinamit ub’i’ Roberto Bixcul Poz, 26 ujunab’ ri xk’am chi’, eri jun chik ajchajinel sib’alaj k’ax k’olik pa kunanem ri’.
Eri tzukunelab’ ketajin k’ut che katzukuxik ri nik’aj e b’anol k’ax chi ke ri’.