Eri b’anoj ya’olchajinem tzukunik ri’ kumal reqa’lenel ri Wokajil Ajchajil Tinamit xuquje’ kumal rajchak ri Ministerio Público (MP), are xub’an upatan rech xechapataj jun molaj b’anol k’ax kib’i’ “Los Cardamomeros”, ri tajin xkib’an k’ax pa Cobán, Alta Verapaz, pa Chimaltenango, pa Escuintla xuquje’ pa Iximulew ri’.
Eri David Napoleón Barrientos, ministro rech Gobernación, xkub’isaj ub’ixik che pa jun molaj b’anol k’ax ri’ e k’o jo’ob’ reqa’lenel ri PNC xuquje’ kuk’ e waqib’ winaq ri’, e are ri’ xkib’an ri elaq’ rech cardamomo ri’, “e are k’ut nik’aj ajchajil tinamit ri xechajin kech pa le b’anoj ri elaq’ ri’, rumal ri’ sib’alaj kaqab’ij chi ke ri winaqilal rech chakib’ij b’a’ loq ronojel b’anoj k’ax ri’ kab’anik, rech b’a’ katerne’x utzukuxik kuwach kumal e ajtzukunelab’ ri’”.
Pa le b’anoj tzukunem ri’ xechapataj ri’: a Luis Alfonso Coronado Juárez, a Darwin Esaú Mayen Yancor, a Erick Alejandro Recinos Lara, a Johnnatan Eduardo Petet Illescas, a William Estuardo Lorenzana Polanco xuquje’ a Coetidan Crisanto Roblero Roblero ri’, kab’ixik e are xkib’an b’anoj k’ax ri’, xkib’an ri elaq’ xuquje’ ruk’ nik’aj chik ri’.
Xuquje’ pa unimaxik ri b’anoj chajinem tzukunik ri’ rech ri Transformación Policial ri’ (ETP) xuquje’ rech pa le kacho’ik kuwach ri wokaj ajchajil tinamit, xechapataj ri’ nik’aj eqa’lenel ri’ a Francisco Cahuec Acá, a Carlos Bosveli Xitumul Juárez, a Edgar Augusto Aparicio Aquino, a Luis Emilio Beltrán Putul xuquje’ a Levi Eleazar Hernández Vásquez ri’, rumal ri b’anoj k’ax elaq’nik ri’.
Xnab’ejsax uriqik k’ut: ri awan kunb’al, ri cardamomo, ri k’aqb’alil, ub’aq’ k’aqb’alil xuquje’ ruk’ nik’aj chik jastaq ri’ rech q’alajisab’al ri b’anoj k’ax kumal ri’.