Xechapataj nik’aj pandilleros xkib’an toq’inik pwaq pa Hospital Roosevelt ri’

Pa uterne’xik ri xub’ij loq jun loq’ winaq pa redes sociales ri’, rumal ri’ eri reqa’lenel ri Wokaj Ajchajinelab’ Ajq’atenel Pandillas (Dipanda) rech ri Wokajil Ajchajil Tinamit (PNC), xkiya’ loq ub’ixik che xechataj nik’aj b’anol k’ax uwinaqil ri barrio 18 pa releb’al ri Hospital Roosevelt, zona 11 pa nimatinamit.

Eri ajb’anol k’ax xechapataj ri’ are ri a José Luis Cabrera Morales, 24 ujunab’, alias “Pie Grande” xjuquje’ a César Agusto Tipaz, 21 ujunab’, kab’ixik e are xkixib’ij jun winaq ri xkaj xkikamisaj xkitoq’ij pwaq chi re chi rij ri nimaja rech kunanib’al ri’. Pa le tzukunem ri’ xriqitaj marihuana, xecha’ ri wokaj ajchajil tinamit.

Aretaq xil kitzijol kumal ri wokaj ajchajin tinamit, eri q’atb’al tzij xkilo che ri jun Cabrera Morales k’o keb’ mul taqom uchapik ri’ rumal xub’an elaq’nik xuquje’ xub’an yoq’oj xib’inik pa tinamit, pa le 12 rech marzo rech ri 2017 xuquje’ pa 8 rech enero rech ri 2018 ri.

Eri Ministerio rech Gobernación (Mingob) xub’an jun kasik’ixik ri winaq pa tinamit rech kakib’ij loq we kakilo kab’an ri k’ax ri’, rumal are la’ ri qas k’o nim upatanib’al rech pa aninaqil keb’e che rilik ri e ajchajil tinamit ri’.

Noticias Recientes