Xechapataj nik’aj rajchak ri Ministerio rech Salud rumal xkiloq’ jastaq ma utz ta ri’

E kajib’ chi ajchak xechapatajik, chi ke ri’ e k’o keb’ rajchak ri Ministerio rech Salud; ri nab’e ri’ pa le zona 14, Edwin Romero Sicán, 52 ujunab’, kab’ixik rumal xok’owosin tzij, xuquje’ rumal ri b’anoj k’ax ri’ pa le colonia Santa Bárbara, Santa Catarina Pinula, xchapataj wi loq jun ixoq ub’i’ Brendra Marisol Luch Escobar, 40 ujunab’.

Xuqje’ xchapataj ri a Hernán Villeda Javier, 74 ujunab’, pa le zona 4, Chiquimula, rumal kab’ixik xeleq’an ri’ aretaq xujach ri jastaq ma utz taj, xuquje’ pa le zona 5 rech Villa Nueva xchapataj wi loq a César Jiovay Guzmán Camas, 51 ujunab’, xuquje’ kab’ixik rumal ri b’anoj k’ax ri’.

Are wa’ ri xb’antaj kumal ri tzukunelab’ rech ri División Especializada rech Investigación Criminal (DEIC) xuquje’ rech ri Departamento rech Investigación rech Delitos Financieros xuquje’  Económicos ruk’ ri Ministerio Público, ri k’o wajxaqib’ chi tzukunem xkib’an ri’ pa tzukunem xuquje’ ri kichapik ri rajchak ri Ministerio rech Salud, jun chi ke ri’ are jun ex viceministro xuquje’ uwinaqilal ri wokajil rech xkib’an k’ayin jastaq ri’.

Eri b’anoj tzukunem ri’ are xb’antajik rech uterenb’exik ri tzukunik chi rij ri b’anoj k’ax uloq’ik ri jastaq katz’iyaq e ajkun xkib’an pa le uq’ijol jun itzel yab’il ri’, eri batas rajwaxik ri’ man k’ot tz’il yab’il chi rij ri’ man je ta ri’ xuquje’ are qas paqil ri rajil b’anom ri’, jeri’ k’ax xkechb’ej xkib’an ri pa le uq’ijol ri jun itzel yab’il rumal ri’ COVID-19 ri’.

Noticias Recientes