Eri puqchajinem are xb’antaj kumal reqa’lenel ri División Especializada rech Investigación Criminal ri’ (DEIC) rech ri Wokajil Ajchajil Tinamit (PNC) xuquje’ rumal ri Ministerio Público ri’ (MP), e are k’ut xkichap loq e keb’ chi uwinaqil ri jun molaj b’anol k’ax kib’i’ “Imperial Ganster” rech ri Barrio 18 ri’.
Eri Olga Eliza González Murillo 28 ujunab’ xchapataj pa le kilómetro 18 nimab’e kab’e pa le Atlántico chi uwach le nimaja lote 22 sector 1, Lomas del Fiscal, Palencia, rulewal nimatinamit Iximulew ri’. Eri q’atb’al tzij are xutaq uchapik pa le keb’ q’ij rech marzo rech ri junab’ 2022 ri’ rumal toq’inik pwaq ri’.
Pa le 9ª. avenida xuquje’ 1ª. calle, zona 2 rech pa nimatinamit ri’, xchapataj wi jun ixoq ub’i’ Victoria Eugenia González Foronda 45 ujunab’, kab’ixik xtaq uchapik rumal ri Q’atb’al tzij rech pa Nimatinamit Iximulew, rumal toq’inik pwaq ri’.
Eri e ajchajil tinamit xkitzuj ri’ e k’o chik e 20 chi uwinaqil ri molaj b’anol k’ax e chapom chik rumal xkib’an toq’inik pwaq ri’ pa we amaq’.