Eri puqchajinem ruk’ ri tzukno’jchak xb’antaj kumal ri reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC), ruk’ ri Ministerio Público (MP), xuquje’ rumal ri Centro Interinstitucional rech Q’atenik Narcoactividad pa Iximulew ri’ (CICNAG) ri’, xeq’atenik chi ke jun molaj b’anol k’ax kib’i’ Galileo ri e ajq’axel awa kunb’al ri’.
“Aretaq xb’antaj utzukuxik ri’ pa wokajilal ri’ kuk’ ri q’atb’al tzij rech taq ri nimatinamit Sudamericanos ri’, xb’antaj kowonem xechapatajik a Juan Carlos Melgar Pineda, ub’i’ kab’ixik El Cigarrón, a Edgar Delgado Samayoa, ub’i’ kab’ixik El Negro, a Mario Antonio Solís Samayoa, a José Luis López Linares, a Guillermo Valdemar Marín Raymundo xuquje’ a Marvin Alfredo Hernández González ri’. E nik’aj b’anol k’ax ri’ xtaq kichapik rumal ri Q’atb’al tzij rech Escuintla ri’ rumal rajchak ri narcotráfico ri’” xcha’ ri ministro rech Gobernación, David Napoleón Barrientos ri’.
Eri tzukunem xb’an ri’
Eri tzukunem xkib’an e ajchajil tinamit ri’ rech xterne’x uriqik ri 115 pajb’al awan kunb’al xuquje’ 619 chi pisob’al rech cocaína pa keb’ jukub’ e ajk’ayin awan kunb’al e tak’ab’im pa Puerto Quetzal ri’, are la’ xriqitajik pa le 6 xuquje’ 13 rech mayo rech ri 2021 ri’, xecha’ ri PNC.
Eri q’atb’al tzij xkib’ij che ri jun molaj uwinaqil ri narcotráfico are ajtaqol kech are jun achi ub’i’ Henry Eduardo Melgar Pineda, ub’i’ kab’ixik El Peterete, a Adelso Uvaldo Sánchez Ruano, 32 ujunab’ (e kaminaq chik) xuquje’ El Cigarrón ri’, kab’ixik e are kakik’ul panoq ri awan kunb’al taqom Sudamérica ri kopan pa Puerto Quetzal, Escuintla ri’. Eri rajchak ri portuaria Delgado Samayoa xuquje’ López Linares ri’, e are e ajtaqol rech ri k’ayinem ri’ xuquje’ ri uq’axexik ri awan kunb’al ri’.