Maltyox b’a che ri jun winaq le xuya’ loq ub’ixik che k’o ujolomal ch’ich’ C-994BMQ marca Freightliner, saqsoj rilik aldea le Obraje, Moyuta, Jutiapa, katajin b’ik releq’axik ri’, rumal ri’ eri eqa’lenel rech ri Wokajil Ajchajil Tinamit (PNC), rech ri subestación rech Chiquimulilla xuquje’ rech ri jun Wokaj rech Reserva rech ri Comisaría rech Santa Ros, xeb’e xkichapo loq e kajib’ winaq e b’anol k’a chi rij ri’, pa le kilómetro 86 pa nimab’e kab’e pa le uq’ab’ tinamit kab’e pa Cuilapa, Santa Rosa ri’.

Eri xchapataj loq xch’ob’otaj k’ut uwach e are ri’ a Mike Porfirio Martínez Cermeño 29 ujunab’, reqa’lenel ri PNC, k’o che chak patan pa le Subdirección General rech Análisis xuquje’ Información Antinarcótica (SGAIA), kab’ixik are ub’insam b’ik le ch’ich’ ri’ P-126GMG, marca Honda Civic, saq rij, modelo 2005, aretaq xtaq uwujil ri ch’ich’ che xraqataj keb’ ratz’iyaqbal ri wokajil ajchajil tinamit xuquje’ ruk’ jun alaj k’aqb’al calibre 9mm. Marca Glock, ruk’ keb’ b’ilob’al rech, maj uwujil reqam b’ik ri’.

Eri q’atb’altzij xkiya’ utzijol ri’ che ri xchapatajik a Walfred Leónidas Castillo y Castillo 37 ujunab’, a Jaime Oliverio Cabrera Morales 36 ujunab’ ri’ xuquje’ a Alan Hernán Cabrera Gómez 23 ujunab’ ri’, kab’ixik ub’insam b’ik jun ch’ich’ ri’ marca Toyota q’anq’oj rij, eri uplaka rech kab’inisaxik are P-940GLY, xraqataj ruk’ a Castillo, jun alaj k’aqb’al marca Glock, calibre 9 mm, ruk’ jun b’ilob’al rech xuquje’ ruk’ 15 ub’aq’ k’o uwujil ri’, jeri’ xraqataj ri’ kajib’ ch’a’wb’alil jalajoj taq uwach loq’om wi’.

Eri nab’e taq b’anow tzukunem chi rij ri’ xuq’alajisaj, che ri a Castillo are reqa’lenel ri PNC, elinaq b’ik pa chak ri’ rumal yowab’, k’o chik 15 junab’ katajin che chak pa le wokajil ajchajil tinamit ri’.

We kamik ri’ xaq xu’ wiri’ xraqik ujolom ri ch’ich’ ri’ xuquje’ are katajin na tzukunik chi rij, rumal le b’anow k’ax ri’ xechap le winaq chi rij ri’ le kek’am b’ik pa q’atb’altzij ri’.