Xe’esataj loq ri ajchajinel pa Japache’ zona 18 kumal ri q’atb’altzij ri’

Eri Viceministro rech Ya’olchajinem Gendri Reyes rachb’ilam ri K’amal b’e rech ri Wokajil Japache’ xuquje’ rech ri Wokajil Ajchajil Tinamit xuya’ ub’ixik che xkesaj loq ri e oxib’ e ajchajinel rech ri japache’, ri e xechap kanoq kumal nik’aj pandilleros rech ri Barrio 18, ri xe’esaj loq chi la’ pa aninaqil ri’.

Eri Viciministro xub’ij k’ut eri e ajchajinelab’ utz kuwach xuquje’ e k’aslik xel koq chi la’ xuquje’ xq’atexik jun b’anoj k’ax tane’ chike chi la’, rumal ri’ k’o jun nim komonchak xb’an kuk’ ri taqawokajil rech ri Mingob’ ruk’ ri PNC xuquje’ kuk’ nik’aj chik je’lalaj taq ajchajinelab’, xb’antaj uchomaxik kuk’ ri e ajpache’ e tz’apil chi la’, maj jun chi ke xch’ay tane’ chi la’, man k’ot b’a’ k’ax xb’an chi ke chi la’, maltyox b’a’ che ri Nima Ajawaxel rumal xq’atataj jun chik k’ax ri’ xuquje’ qonojel kujki’kotik xuquje’ kojtajin pa ujikomal ub’anik ri chakunem ruk’ ri Wokajil Japache’.

Eri Viceministro xub’ij che xtaq ub’ixik chi ke konojel ri k’amal b’e rech pa taq wokajil japache’ pa we amaq’ rech sib’alaj rajawaxik kechajin ri’, rech k’o jun nim ya’olchajinem kakib’ano pa taq le wokajil japache’ tz’apib’al ri’ rajawaxik sib’alaj chajim aretaq kajaq ri uchi’ ri japache’ ri’.

“Sib’alaj kaqaya’o uchuq’ab’ ri b’anoj ya’olchajinik pa japache’ ri’ eri uchi’ naj kajatisax chi rij ri’ xuquje’ xuquje’ ri Mingob xtaqon chi ke ri k’amal b’e rech ri Japache’ eri kakeqaj ri lawe ri’ eri k’amal b’e rech taq japache’ rech kak’ulmataj ta chik jeri xk’ulmataj ri’”, xcha’ ri Reyes.

Xub’ij che kajaq jun b’anoj nim tzukno’jchak chi rij ri jun b’anoj k’ax xk’ulmataj pa le japache’ ri’.

Xuquje’ eri Viceministro xub’ij che k’o kajach na kuwach chi’ jacha’ ri taqom ub’anik rumal ri taqonatzij xuquje’ eri taqanik kub’ij eri xchomataj rumal ri Mingob rumal ri’ xub’ij che man k’ot jun kunimaj kitzij nik’aj molaj e b’anol k’ax e tz’apil pache’ ketajin che utojik kimak ri’.

Alerta de Corrupción

Ultimas noticias