Are wa’ taqim pa le kato’ik le taq ali kuk’ le alitomab’ pa Iximulew ri’, rumal ri’ xya’taj le Tijonik pa Rulewal Tinamit ri’ pa le ukoik ri Ch’iob’otal chak ub’i’ PLANEA 2018  – 2022 pa tinamit ri’.

Pa taq le chak patan b’anom kumal ri tatb’enel pa taq le Ministerios rech Salud Pública xuquje’ rech Asistencia Social, ri rech Tijonem, ri rech Desarrollo Social, ri rech Gobernación, ri rech UPCV, ri rech Unidad de Género, ri rech Secretaría rech Bienestar Social, ri rech Consejo Nacional rech ri Q’apojil, ri rech Observatorio rech Salud Reproductiva, ri rech Asociación Pro Bienestar rech ri Familia xuquje’ Paz Joven Guatemala xkilo le utaqim uchakuxik rumal ri’, pa le ya’el utzijob’exik ri Ch’ob’otal Chak rech Q’atel Ke’ok Yowab’ pa Tinamit ri Alitomab’ xuquje’ rech kikojik ajchomanelab’ rech wokajil pa taq tinamit ri’.

Xuquje’ xtzukux uya’ik utzijob’exik chi rij ke’ok e yowab’ ri alitomab’ xuquje’ eri ya’ltzijol rech PLANEA, eri ukojik wari’ ruk’ pa le uk’utik ri kupatanij ri’, eri uterenb’exik rilik ri’.

Eri xk’ulmataj pa le junab’ 2016 are kuk’utu pa 74 mil 041 ri xe’alaxik kuk’ ri e ali na le k’o pa 10 pa 19 kijunab’ ri’, xuquje’ e pa junab’ 2017, k’o 74 mil 373 xe’ok e yowab’ eri kijunab’ pa 10 pa 19 ri’, e panik’aj chi ke ri’ xa’ xb’an k’ax chi ke ri’, chi’ k’u ri’ eri taq ali xe’ok e nan xa’ xb’an chi ke xe’ok jeri’ rumal xb’an k’ax chi ke, rumal e ch’uti’n na.

Eri e q’apojil che maj tijonem kesam ri’ pa wuqub’ uwach kekanaj e yowab’ ri’

Eta’mam uk’u’x uwach k’amow ub’e ri PLANEA

Eri k’amol kib’e ri wokajil xuquje’ ri rech taq jalajoj tinamit e k’o pa amaq’, xketa’maj ub’eyal k’amow ub’e ri PLANEA 2018-2022 e are ri’ e Uchak Upatan xuquje’ e Ukowonb’alil pa le K’aslemalil ri’, K’o Juntir Uwach Chak xuquje’ k’o ri Ya’talil che rilik Rutzil kuwach ri e Q’apojil rech ri Retab’alil Utzilem ri’ xuquje’ pa le Ya’el Tijonik chi ke ri Ali Alitomab’ ri’  (EIS) xuquje’ pa le Kitatb’enik ri Q’apojil Winaqilal xuquje’ pa le Uk’iya’l Wokajil ri’.

Pa uk’iyal wari’ eri PLANEA are utaqim uq’atexik rech ke’ok ta yowab’ ri ali alitomab’ ri’, rech k’o kichak kakipatanij ri’, rech eri ali altiomab’ kakitijoj kib’ ri’, rech k’o ri ya’talil chi ke ri’, jeri’ nik’aj chik uwach ri’.