Pa we q’ij kamik eri viceministro, Fernando Rodas, ruk’ le Luisa Fernández, coordinadora Regional rech ri Oficina rech Naciones Unidas Q’atenel Awan Kunb’al ruk’ ri uk’u’x b’anob’al awan kunb’al ri’ (UNODC) xuquje’ ri taqanel rech ri Subdirección General rech Análisis rech Información Antinarcótica (SGAIA), Helver Beltetón, xkijaq uwach ri tijonik rech uchajixik xuquje’ utzukuxik ri awan kunb’al xuquje’ ri uk’u’x b’anob’al awan kunb’al ri’, are tijonik chi ke ri reqa’lenel ajq’atenel awan kunb’al ri’, rech ri Ministerio rech Salud xuquje’ Asistencia Social (MSPAS) xuquje’ Ministerio Público (MP) ri’.
“Eri jujun chi ke ri b’anonem ri’ rech uq’atexik uchupisaxik uwach ri awan kunb’alil are la’ katajin ri’ jacha le unimaxik ri kataqon wi ri Nuk’chomab’al rech Wokom Taqawokaj Amaq’, 2020-2024 ri’. Pa we junab’ ri’ k’o chik 900 chi nima’q taq eqa’nib’al awan kunb’al porom chik uwach. Rumal ri’ sib’alaj kaqaka’mulij ub’ixik che are la’ qachak patan rech uq’atexik ri narcotráfico ri’ rech kak’oji jun nim uwach ri katob’anik loq ri nimatinamit keriqitaj pa uwachulew ri’”, xcha’ ri Rodas.
Pa le uwach wuqq’ij ri’ eri e ajchajil tinamit, ri rech salud, ri rech ciencias forenses xuquje’ ri rech MP, e are ketijoxik chi rij taq ri kichak kakib’ano xuquje’ rech kakiriq uchapik ri uk’u’x b’anob’al awan kunb’al, rech kakiporoj ri tiko’nib’al rech awan kunb’al, jeri’ ri cocaína ri’, ruk’ nik’aj chik ri’.
Eri Lusa Fernández, coordinadora Regional rech UNODC, xub’ij che ri tob’anik ya’el che ri Iximulew ri’ are la’ rajwaxik kab’anik rech qas kab’an kariqik ri nik’aj molaj b’anol k’ax ri’ che ri kakipoq’isaj ri tiko’nib’al awan kunb’al, rumal ri’ rajwaxik ketijoxik xuquje’ rech kakiporoj uwach ri uk’u’x b’anob’al awan kunb’al ri’”.
Eri tijonik ri’ are la’ ya’tal pa wokajilal rumal ri Ministerio rech Gobernación, rumal ri’ Coordinadora Regional rech ri Programa rech kub’sib’al uchakuxik xuquje’ rech kachupisax uwach juntir ri Awan kunb’al riqom xuquje’ ri Uk’u’x b’anob’al awan kunb’al ri’ (STAND) rech UNODC xuquje’ ri Sección rech Asuntos Internacionales rech q’atenik ri Narcotráfico xuquje’ rech upatanexik ri taqanem ri’ (INL-G) rech ri embajada rech Estados Unidos rech Norteamérica ri’.