Xewa’kat pa le Vecindario Próspero xuquje’ xmajtaq kipatanil e k’ajolab’ rech q’atel k’ax pa zona 6 nimatinamit ri’

Pa jun nim utz riqb’alil kumal ri e k’ajolab’ rech ri zona seis ri’, k’o jun nim k’utb’al xkib’an pa qajib’al q’ij chaq’ab’ ri’, pa le zona seis nimatinamit ruk’ ri’ Tercer Vcieministro rech Q’atel k’ax, Carlos García Rubio, ri nan ajkalte tob’anel rech ri Q’atb’al tzij rech uk’u’x nimatinamit ri’, ri Subdirector General rech Q’atel k’ax, ri Coordinador Genereal rech Unidad rech Prevención Comunitaria rech ri K’ax (UPCV) xuquje’ ri winaqil e ajk’ulja chi’ e are jun xecholb’inik pa taq le uxo’l b’e xuquje’ utzal b’e ri’.

Pa le kak’owik ri’ xb’antaj kowonem xilotajik che xsuk’ub’axik rupam tinamit, pa Proyectos 4-10 ronojel saq tzijom rilik ruk’ taq ri achib’al tz’ib’am kumal ri je’lalnel ruk’ umel are rech kuya’ chi ke ri ak’alab’, k’ajolab’ xuquje’ ri’j winaq ri jun utzalaj jamalil ri maj b’anoj k’ax ri’.

Pa le utzijonik xub’an ri Viceministro kuk’ ri winaqilal ri’ xub’ij chi ke ri’ ri ch’ob’otal chak are xkoj ri rech Promotores rech ri Q’atel k’ax ri are utaqim kik’amik ri e k’ajolab’ pa le chob’otal chak ri’ xuquje’ ri Prejuv 2024 ri are la’ ke’uk’am e k’i ministerios xuquje’ secretarías rech ri Amaq’il pa le jujun wokajilal ri’ eri jun kakowonik katob’anik pa taq le ch’ob’otal chak ri’ rech kipatanaxik ri e k’ajolab’ ri’, rech kekoj pa taq le retz’b’axik tijonik, pa jujun taq q’ijol rech k’o kaketa’maj rech ke’al loq pa le b’anoj k’ax ri’, ri tijoj itzel loq’om ya’bil, rech ke’el loq pa taq le pandillas ri’.

Eri uj kaqaj kab’an utzil chi ke ri e k’ajolab’

Eri winaq e ajk’ulja chi’ xkib’ij k’ut che katajin upátanaxik ri ch’ob’otal chak Vecindario Próspero xuquje’ ri rech Q’atel k’ax, pa k’i taq ik’ chik ri’, xub’ij k’ut che ri qas kajwax ri’ rech ke’esax loq ri e k’ajolab’ keya’ pa utzilem ri’ are ri qas k’o upatan ri’.

Qastzij b’a’ rajwaxik kaqach’ob’ ri’ che e k’o k’i e q’apojil kimajom b’anoj k’ax, are la’ kuya’ q’oxomal pa kachoch ri jawinaqilal ri’, rumal ri’ sib’alaj rajwaxik ri utob’anik ri Ministerio rech Gobernación rech katerenb’exik upatanaxik ri ch’ob’otal chai ri’ rech k’o ri kakichakuj xuquje’ kechb’ex uk’amik uq’ab’il ri keta’mab’al, rech qas ke’esax pa taq le q’oxomal ri’ rumal ri b’anoj k’ax ri’ rumal ri’ eri upatanaxik ri ch’ob’otal chak rech kab’an utz che ri upam jamalil k’olib’em pa tinamit ri’.

Utzursaxik ri kik’aslemal ri winaq ri’

Emu wa’ ri Q’atb’al tzij rech Uk’u’x Nimatinamit ri’ ero Consejal Primero, xub’ij che k’o upatanib’al ri ch’ob’otal chak ri’ are rech ub’anik utz che ri kik’aslemal konojel ri winaqilal ri’, ri e q’apojil rech ya’tal chi ke jun ramajil, ri chak, ri patan chi ke ri e k’ak’al winaq ri’.

Pa komonb’al ruk’ ri Viceministerio rech Q’atel k’ax xuquje’ ri Q’atb’al tzij xkitun kib’, rech pa komonil ketob’an ri winaq e ajk’ulja xuquje’ ri alcaldía auxriliar, ri Tercer Uq’ab’ Taqawokajil xuquje’ ri Q’atb’al tzij rech Iximulew ri’, rajwaxik qas kakiterenb’ej k’ut upatanaxik, are la’ jun utz k’utb’al xilotajik pa wa’katem xkib’an chi’, are wa’ uwach uchakunik ub’anom ri Vecindario Próspero ri’.

Noticias Recientes