Pa le unimaxik Uk’u’x Ya’olchajinem rech Q’atel k’ax pa Tijob’al, we kamik pa jun nim okemtzij rech xjaq uwach ri B’anoj Tijonem pa Uxulanib’al Q’ij kumal e Ajchajinelab’ 2019, are wa’ xwok uwach ub’anik rumal ri Tercer Viceministerio rech Gobernación, rumal ri Subdirección rech Q’atel B’anoj K’ax rech ri Wokajil Ajchajil Tinamit -PNC- xuquje’ rumal ri Wokajil Jachakunb’al rech Nab’ejsab’al Q’atel k’ax pa taq komon winaqilal -UPCV-.

Eri b’anoj chakunem ri’ are kab’an pa le 11 rech noviembre pa le 13 rech diciembre, pa le 41 chi rachoch b’anoj tijonem pa we amaq’, ruk’ kitatb’enik e lajq’o’ jok’al (4 mil 100) kajilab’al chi ak’alab’ taq ala taq ali ri’, eri kijunab’ are ri’ e k’o pa taq 9 pa 14 kijunab’, ri ketatb’enik pa le b’anoj choletz’anem, pa le b’anoj q’ojomanem b’ixonik, pa le reta’maxik b’anoj jastaq, pa le b’anoj etz’anem ki’kotenik xuquje’ pa le reta’maxik k’amoj uq’ijol k’aslemalil, jacha’ ri k’o pa le tijon wuj rech e ajchajil tinamit ri’.

Eri Comisario Carlos Quiñones, Subdirector rech Nab’ejsab’al Q’atel k’ax, kub’ij we nik’aj chakunem ri’ are wa’ k’o nim kupatanij, rumal k’ut ruk’ wari’ ketijox ri e ak’alab’ kuk’ ri e q’apojil rech k’o utz kaketa’maj aretaq maj chak kakib’an ri’ xuquje’ are wa’ k’o nim tob’anik kuya’ pa kik’aslemal juntir.

Xuquje’ man xaq ta ri’ kuwa’lijsax ub’anik uwach jun utz raqoj ib’ kuk’ ri e ajchajinelab’ xuquje’ are rech pa komon kechakunik rech kakiwa’lijsaj uwach ri jikomal ri’.

Eri ak’al Comisario 2019, Ender Omar Zacarías Contreras, rech ri Comisaría 15 Villa Nueva, kub’ij are nim upatan ketatb’enik ri alaj taq ala ali pa le b’anoj tijonem ub’i’ Escuela rech Vacaciones Policiales 2019, rumal are wa’ ke’uto’o rech k’o kaketa’maj aretaq ke’uxulan ri’, rech kaketa’maj kuwach nik’aj chik ak’alab’, rech pa ki’kotem kek’oji pa kachoch kuk’ kinan tat xuquje’ rech k’o kaketa’maj chi rij taq le chak kakib’an ri PNC.