Xjaqataj ri q’a’mb’e Castillo Armas pa Retaljulew xuquje’ pa le kilómetro 47 ri’

Xunimax b’a’ ri xutaq ub’anik ri’ le q’atb’altzij rech Taqawokajnem Ya’olchajinem ri’, ruk’ upatan ri Nab’e Viceministro rech Ya’olchajinik rech ri Ministerio rech Gobernación ri’ kuk’ ri reqa’lenelab’ ri Wokajil Ajchajil Tinamit rech ri División rech Fuerzas Especiales (DIFEP) xekowin che ujaqik ri nimab’e kok’ow pa El Zarco, pa rulewal tinamit rech Retalhuleu ri’.

Xuquje’ xjamataj ri nimab’e kok’ow pa le kilómetro 47 pa rulewal El Cerinal, Barberena Santa Rosa ri’, xecha’ ri q’atb’altzij rech ajchajil tinamit.

Eri xb’itaj ri’ are rumal eri nimab’e ri’ are xq’atexik kumal ri ex soldados rech tajin kakitoq’ij jun pwaq tojb’al chi ke rumal xek’oji pa patan ya’olchajinik pa taq le uq’ijol ri ch’oj xb’an kanoq pa we amaq’ ri’.

Eri taqanik ri’ are xel loq ub’ixik pa le Viceministro rech Seguridad, Gendri Reyes ri qas are ri’ kanimaxik ub’anik ri’ xuquje’ rech man k’ot winaq q’atim kib’e rech ke’ok’ow chi’ ri k’o rajwaxik chi ke rech ke’opan b’a’ pa taq kachoch, pa taq kichak, pa le uk’amik b’i ri jastaq pa taq k’ayib’al ri’ pa we amaq’.

«Ri uj kaqanimaj ri kakich’ojij ri winaq ri’, eri kaqaj taj kakiq’atij kib’e ri winaqil ri’», xcha’ ri Reyes ri’.

Eri nimab’e q’atimaj

Xya’taj utzijol b’a’ eri nik’aj ex militares xkiq’atij ri’ pa le kilómetro 175 nimab’e kab’e pa Las Verapaces, pa le kilómetro 245 nimab’e kab’e pa Izabal, pa la Ruidosa, le kilómetro 70 nimab’e Interamericana, pa Patzicía Chimaltenango ri’.

Ultimas noticias

Alerta de Corrupción