Xjaqatajik ri Jachakub’al rech komonchak pa Esquipulas rech Q’atenik k’ax ri’

«Sib’alaj utz ki’kotem eri Tercer Viceministerio kutob’anik pa uq’ab’ tinamit, rumal k’ut pa we q’ij kamik katajin uterenb’exik ri b’anoj q’atenik k’ax chi’» xcha’ ri Carlos José Lapola Rodríguez, Ajkalte’ rech ri uq’ab’ tinamit rech Esquipulas aretaq eri rajno’jinelab’ ri Tercer Viceministerio rech Gobernación xib’an ujachik uwach ub’ixik chi’ ri ch’ob’otal chak rech ukojik ri’ ri Oficina Municipal rech Q’atel k’ax ri’.

Xub’ij chik, we kakoj ri Oficina ri’ are la’ jun nim tewchi’b’al chi kech ri winaqil ri tinamit chi’, rumal k’ut we ya’tal we tob’anem chi’ are kukub’isaj rech katerenb’ex ub’anik ri q’atel k’ax xuquje’ ri e ajb’anol k’ax pa juntir chi’.

Eri Lapola Rodríguez, xub’ij che chi la’ k’ut, qas k’o wi jun k’axk’olil che xaq katajin chi’ xuquje’ k’a te ri’ k’o jun nimak’ax ri’ xk’ulmaj jun achi rech Esquipulas ri’, rumal jun b’anoj k’ax ub’i’ «La Diaria», ri are la’ jun b’anoj qojom pwaq pa aninaqil ruk’ jun nimalaj tojb’al ralpwaq ri kab’antaj ta kowonem ruk’ katojtajik, are la’ kupetisaj k’ax chi kech ri winaqil chi’, are la’ jun nimak’ax ri taqim kuchomaj we Oficina ri’, are la’ xjach ub’anik ucholajil chi kuwäch ri Honorable Consejo Municipal pa jun chik wuqq’ij ri’.

Are wa’ kakoj na pa oxib’ uq’ab’ tinamit ri’

Rumal ri’ eri Tercer Viceministro Carlos García Rubio, xub’ij che pa le ub’enam chi la’ pa le wuqq’ij ri’, eri rajchak ri Tercer Viceministerio rech Gobernación kab’an b’enam ri’ pa taq le nik’aj chik uq’ab’ tinamit ri’ xuquje’ pa Esquipulas, pa le nimatinamit rech Chiquimula xuquje’ pa uq’ab’ tinamit rech Jocotán ri’.

Pa juntir taq ri uq’ab’ tinamit ri’, kakoj wiri’ le Oficinas Municipales rech Q’atel k’ax xuquje’ e’ajb’anol ri k’ax ri’ are taqim uq’atexik runimal b’anoj k’ax pa taq le tinamit ri’, are rech b’a’ pa jujun taq uq’ab’ tinamit che ri qas kak’ulmataj wi b’anoj k’ax, are la’ kab’an le rilik rech kachomax ri’, rech te k’u ri’ are katzukuxik ri ub’e’al chomanem rajwaxik rech kaq’atexik ri k’ax ri’ ruk’ ukojik taq ri Oficinas ri’.

Ultimas noticias

Alerta de Corrupción