Xjuch’ le wujilal rumal ri Ministerio rech Gobernación ruk’ ri “Ciudades Seguras”


We kamik xjuch’ ri Nuk’chomab’al rech Nimatob’anik chi kuwach ri Ministerio rech Gobernación xuquje’ ri “Ciudades Seguras”, chi’ k’u ri’ kapatanaxik pa reqele’n ri K’amoj ub’e ri Wokajil Ajchajil Tinamit ri’ ri kakoj wiri’ ri uwachwuj k’amq’aq’nil rech Crime Stoppers Capitulo Guatemala ri’.

Eri tzijol xya’taj ri’ kumal ri q’atb’al tzij, are wa’ kab’anik pa le Marco Regional rech Crime Stoppers Caribe, Bermuda xuquje’ América Latina ri’, ri are utaqim uwa’lijsaxik ri uk’amansaxik chi ke ri winaq rech kakib’ij loq ri k’ax kakilo kab’anik are la’ rech kaq’atexik ri jalajoj uwach taq molaj e ajb’anol k’ax ri’.

Eri Ministro rech ri Taqawokajnem Ya’olchajinem pa Amaq’, Gendri Rocael Reyes Mazariegos, xub’ij che ri nuk’chomab’al ri’ are la’ kakojik pa le uk’amik uwach ri tzijol che ri kaya’taj loq ub’ixik pa taq ch’a’wib’alil, pa utaqik loq tz’ib’an tzij ri’ xuquje’ pa uwachwuj k’amq’aq’nil ri ub’i’ sitios web’.

We jun cholchak ri’ are la’ kakoj ub’ixik pa taq le e ajq’axel tzijolinem ri’ are rech kataqixik uk’amansaxik chi ke ri winaq rech kakib’ij loq ri k’ax kakilo ruk’ wa’ are kaya’ uchuq’ab’ ri chak ri’ rumal ri Ministerio rech Gobernación xuquje’ rech ri Wokajil Ajchajil Tinamit.

Noticias Recientes