Eri primeri viceministro rech Seguridad, Carlos Enrique Franco Urzúa xuquje’ ri k’amal b’e rech ri wokajil ajchajil tinamit, Héctor Hernández Mendoza, kuk’ jun nimpuq chi e ajxik’anelab’ pa le tijowanim 10k ub’i’ “Policía por la Paz” pa le uq’ij ri 25 ujunab chik xutz’aqatisaj ri Wokajil Ajchajil Tinamit (PNC).
Eri utzalaj tijowanim ri’ are xmajtaj pa le Obelisco, xok’¿ow pa le Avenida Las Americas, xopan pa La Reforma xuquje’ xk’is pa le Dirección General rech PNC, zona 1 pa nimatinamit.
Eri primer viceministro xub’ij che ri xtaqixik pa le tijowanim ri’ are rech kuwa’lijsax uwach ri choletz’anem xuquje’ ri utzalaj b’anoj riqoj ib’ kumal ri Ajchajinel xuquje’ ri winaqilal, are wa’ uwach ri jalajoj taq choletz’anem kab’an pa le unimaq’ij rech tz’aqatisab’al ujunab’ ri wokajil ajchajil tinamit ri kab’an pa le 15 rech julio ri’.
“Kaqaj uj kaqaq’axej ub’ixik jun nimatzij rech Joremal. Eri chak tajin kaqilo k’o pa le Ministerio rech Gobernación (Mingob) xuquje’ ri PNC are rech kojchakunik rech keqachajij ri winaqilal, rech ya’el kub’sib’al k’u’x chi ke ri winaqilal ruk’ kijastaq” xcha’ ri Franco Urzúa.
Xub’ij chik, sib’alaj kojk’ikotik rumal kopan ri 25 junab’ chik ri’, rech kab’an ri nimaq’ij xtaq ub’anik rumal ri ministro David Napoleón Barrientos, rech are ilom pa le jun b’anoj ub’e’al cholchak rech uk’exik uwach ri wokajilal ri’ ri kaya ub’ixik pa le 15 rech julio ri’.
Xuquje’ xub’ij, che pa ronojel we qatinamit are tajin kab’an ri’ jun riqoj ib’ chi kuwach ri Ajchajinel kuk’ ri winaqilal ri’, rech pa ronojel q’ij b’a’ eri winaqil e aj iximulew kakub’ kik’u’x chi ke ri q’atb’al tzij xuquje’ pa junamil kakitzukuj b’anoj utz chomanem ri’ rech uq’atexik b’anoj k’ax xuquje’ rech kab’ix chi ke ri winaqilal rech kakib’ij loq.
Are chi’ pa k’isb’al ri tijowanim ri’ xya ch’akib’al chi ke ri xech’akon ri’. Pa le choletz’anem ri’ e k’o 1 000 chi e ajxik’anelab’ xkiriq kib’.